關係升溫︱胡鴻鈞開演唱會見家長，蔡思貝淚撐：我好激動！

Hubert「找數」兌現騷Body承諾外，又為首位嘉賓「人氣王」炎明熹（Gigi）彈鋼琴伴奏兼合唱新歌《愛是帶種缺陷的美》，至另一嘉賓「重量級女神」鄭欣宜出場時，2人斗Rock對唱《分手是常識吧》，並分享友情點滴。

今次思貝帶父母睇騷，足見對Hubert的重視，亦證明對方得到Auntie、Uncle認可。昨日思貝受訪時說：「爹哋、媽咪都鍾意聽佢啲歌，難得放假就諗住一石二鳥，陪到爹哋、媽咪之餘，又可以支持朋友。」

談及「秘密」入場，她透露最近趕拍新劇，不知劇組能否放人：「之前冇應承實佢，唔想到時嘥咗佢張Artist飛，寧願自己買定飛，金錢上支持都系一種支持！」雖然座位離台較遠，但她認為可感受全場氣氛，又笑言下次要帶定眼鏡。

此外，她直認受Hubert感動而落淚，不過台下不少歌迷亦受觸動：「嗰種感動可能因為大家都系藝術工作者，知道為咗一個演出而付出嘅努力系點，明白唔容易，所以有共鳴。就好似我好畀心機拍劇，順順利利播出又有觀眾喜歡，都會特別激動，佢喺台上嗰種力量感動到我！」