陳曉華一提朱敏瀚即扮傻 郭柏妍剛27歲自稱體弱多病唔想咁快衰老

陳曉華、郭柏妍、蔡嘉欣及陳詩欣盛裝出席護膚品牌活動，陳曉華身穿低胸短裙，但不及酥胸半露的蔡嘉欣性感。

郭柏妍表示踏入27歲但體弱多病，不想那麽快衰老，要注重保養。笑問是否財多身子弱？她笑說希望有更多才藝，至於錢財則要再努力工作，財政方面由媽咪管理，感情方面則隨緣。

她又說剛與陳曉華完成新劇《金式森林》拍攝，在劇中稱呼繼母曉華做後媽，曉華笑指柏妍有日大聲叫錯她做大媽，柏妍解釋當日太早開工未瞓醒，即讚曉華非常靚。

問到近日與朱敏瀚「了解中」的曉華有愛情滋潤後變得更靚？柏妍插嘴表示曉華參選港姐時已留意對方，很喜歡曉華一張在中大回眸的美照。

另外，曉華參演的劇集《巾幗梟雄之懸崖》已播出，她表示勾起拍攝回憶，其角色桂花香是個可愛的女仔，受大家寵愛，拍攝這3個月很開心，演員們不時給她小食，又給她外套禦寒。

問有否邀請「老公」看她新劇？她反問：「邊個老公？（朱敏瀚）我邀請大家睇。（會否與朱敏瀚交流演技心得？）一定唔會淨係佢，有時會搵合作過嘅拍檔，問大家睇完有咩感覺，大家意見不同。希望大家喜歡桂花香嘅可愛。」

另外，二人首次與MIRROR成員同場，曉華表示很犀利，有聽他們歌曲，甚麽類型歌曲都會聽，她看到Stanley和Jeremy在台上與粉絲交流，自己要好好學習。

她亦指對方的粉絲很nice，置身其中也感受到粉絲的快樂。問柏妍是否喜歡MIRROR成員的類型？她說沒特別喜歡甚麽類型，要啱傾，情感隨緣。

蔡嘉欣離巢TVB句句有骨　「我呢啲不值得被挽留」 | 香港01

2019年的香港小姐參賽者蔡嘉欣，晉身十強後仍獲簽TVB。早前宣布離巢，結束同TVB 5年關係。今日她以Deep V桃紅裝出席護膚品牌活動，同場仲有好姊妹陳詩欣（Eunice）、無綫小花陳曉華、郭柏妍。

蔡嘉欣接受訪問時賣口乖，大讚客戶給予吸金機會，又指自己嘅工作已排到聖誕節，直指賺得多過以前。問到離巢原因，她解釋是因為自己工作規劃，意思有所不同，而之後亦會朝著KOL方向發展。

問到公司可有挽留？蔡嘉欣即謂：「循例上都會問句『會唔會考慮續約？』我話唔考慮之後，對話就結束。（冇挽留你？）冇呀！我呢啲不值得被挽留就唔挽留。」

蔡嘉欣又話去年被傳離巢時，已經無接TVB工作，可以說去意已決。「呢間公司嘅路未必係我想追求嘅嘢，所以一早想話做自己嘢時，佢哋都好支持。」她又指離巢並非人工問題，因為所學到的比錢更多。「其實係我無心喺呢間公司拼搏落去，就唔好霸住啲機會。你知呢間公司咁多人，好多人都緊張每一個騷，畀佢哋。」

陳詩欣在旁聽到忍不住偷笑，同TVB仍有合約嘅佢表示目前以KOL工作為主，又笑稱自己年紀有返咁上下，所以應該將機會讓出，又指自己都會搵返條路出嚟，但目前工作算適合自己。