前港男吳雲甫再做爸爸！老婆曬萌B照報喜：大家都話似我

2009年香港先生吳雲甫離巢TVB後作多方面發展，吳雲甫2020年與瑜伽導師女友林瑋如結婚，婚後育有一女，早前宣布太太再懷孕，昨日他再做爸爸！

吳雲甫太太林瑋如昨日（25日）在IG發限時動態，分享已誕下BB，並上載BB可愛相片。

吳雲甫太太林瑋如昨日在IG發限時動態，上載了一張BB相片，並寫道，「My little angel is ready to go（我的小天使已經準備好出發了）」。

其後，林瑋如再上載多一張BB與自己的拼相，表示大家都覺得BB樣貌似自己。

吳雲甫太太：健康的身體很寶貴

林瑋如之後再有更新，表示自己正在享受「趴喺床」的感覺，因為她十個月沒試過了，並表示：「人，經歷完大事之後，會比較知足。躺在床上，覺得家裡，好安全、好舒服，心裡很踏實，健康的身體真的很寶貴。」

最後，林瑋如亦有再多上載一張BB相，樣子可愛，並再多問次網民們，到底BB跟爸爸還是媽媽相似。

前港男吳雲甫曾在加拿大加入陸軍當兵三年，直至2009年回流香港參選港男，當年他憑健碩外形及標青樣貌成頂頭大熱，但最終不敵「送水輝」許家傑。

入行後，他主力做娛樂新聞台主持，在2016年離開TVB後，又輾轉參與由無綫與王晶合拍電視劇《好萊塢有個大老千》，最後更慘死收場，獲不少網民讚演技，知名度大增。

本身是模特兒的他原來疫情至今不斷接拍廣告，至今已超過70多個，當中幾乎都是大品牌，絕對稱得上新一代廣告大王！

吳雲甫接受《香港01》訪問時雖未肯透露廣告收入，但至少賺近百萬：「我冇數喎，有啲多有啲少，平均一個月拍一個左右。」

至於近況，吳雲甫就透露：「我主要教健身班同埋幫網台主持節目，我主要教健身班同埋幫網台主持節目，因為呢兩樣都容易就時間，如果有廣告或者其他拍攝容易請假或者搵人代班，所以工作都好彈性。同埋我第二個女準備出世，所以我都唔俾自己工作咁困身。」

吳雲甫雖然擁有健碩外形，但私下絕對是一名暖爸：「第一個女出世嘅時候啱啱係疫情，所以除咗拍廣告冇乜嘢做全天候陪個女成長，而家第二個女出世其實我工作都忙，所以我驚我會唔慣。（嚟緊會唔會積極啲賺奶粉錢？）會呀，個個都話我老婆第二胎個肚大過第一胎個肚好多。 所以好早我已經叫佢唔好教瑜伽班， 喺屋企休息嚇。 月底佢就生第二胎跟住要坐月，所以我要搵埋佢嗰份。」