谷婭溦訪四川理塘 啟發作曲靈感：當地人純到你唔信

歌手谷婭溦（Vivian）日前接受新城廣播的《原來生活好快樂》之「快樂紅人」訪問，去年展開「人性四部曲」音樂企劃的Vivian，最新推出第三部曲的「善」，新歌《一級保護動物》面世，並由Vivian親自作曲，以最舒服簡單的旋律，表達每個人與生俱來的善良。

Vivian透露第三部曲原本是另一首歌，因一次旅行體驗而決定選用《一級保護動物》，她說：「幾個月前我去四川天空之城一個叫理塘嘅地方，當地海拔四千幾米，嗰到啲人好樸素、好純，純到你唔信，佢哋嗰種眼神好清澈，對人好nice，成個環境同人都令人洗滌心靈，我去到嗰到好感觸，覺得呢個先係我要嘅善。」

Vivian認為人出世一刻都是最純潔，但因為各種經歷令人產生變化，這首歌正想告訴大家，每一個人都有資格選擇這個善，而善良是與生俱來。

今次有份為新歌作曲的Vivian，運用輕鬆唱腔表達情感：「我想用輕鬆手法帶出最放鬆同舒服感覺，如果個人好煩躁時，好多事情小事都變大事，但當一個人放鬆時，好多嘢都可以迎刃而解。」