萬聖節｜陳展鵬扮吸血殭屍 炎明熹傳遭雪藏無損心情

萬聖節｜陳展鵬扮吸血殭屍 小豬比蝙蝠女造型可愛現身

今天（10月31日）是萬聖節前夜，陳展鵬一家三口應節扮鬼扮馬。他扮成吸血鬼，太太單文柔飾演被他吸血的女主角，女兒「小豬比」陳諾瑤穿上黑色和橙色的服裝，臉上畫有蝙蝠圖案，十分可愛。

展鵬說︰「好多人問我咩角色最想演，咁當然有好多啦，但我鍾意嘅依家都未必流行，而且呢個年代冇乜殭屍片，所以可能好多小朋友都唔知我搞乜鬼。其實我細個真係好想吸嚇人血。祝願世界和平同真係冇吸血殭屍，萬聖節快樂﹗」

展鵬又在與太太的合照下說︰「終於搵到個女主角，可以吸血啦.. ha ha ha﹗細個嘅時候好多人話咀嘴會生BB，有冇人聽過吸完血都會生BB？明明萬聖節要扮恐怖，但係都要玩反差，唔通真係負負得正？總算有機會留低一個紀念喺萬聖節，出年再玩過...」

炎明熹傳遭雪藏無損心情 約「聲夢」學員扮嘩鬼賀萬聖節

炎明熹（Gigi）雖傳被TVB雪藏，令她近日曝光率大減，不過Gigi仍跟「聲夢」出身的鍾柔美（Yumi）﹑張馳豪（Aska）﹑潘靜文﹑林沚羿和林智樂保持聯絡，他但一行人相約到主題公園慶祝哈囉喂。

有傳Yumi接手Gigi工作，令Yumi工作量急增，但無損姊妹情，Yumi在社交平台貼出和Gigi合照，相中Gigi扮日本幽靈，並將塊面塗白兼以頭髮遮半邊面，途人難以認出，至於其他聲夢學員亦花心思扮鬼扮馬，十分搞鬼。

炎明熹在Yumi的Ig搞笑留言：「我要跟住你返屋企！」