黑色月光｜馬志威演活衰格二世祖 林夏薇演奸角入型入格成內地熱搜

劇中演余滿月（楊茜堯飾）年輕版的廖慧儀（Jessica）雖然首次拍劇，但獲讚演得自然，Jessica外表與楊茜堯不太相像，但勝在做出一樣神情及感覺，大讚Jessica有演戲天分。

Jessica謙稱由於零經驗，當初試鏡只抱陪跑心態，並直指Moon姐年輕版競爭激烈：「PA約我Casting時，原本我喺台灣拍節目，同埋當時我已經知道全公司好多女藝人cast呢三姊妹嘅角色。好彩當時我喺台灣已差不多拍完嘢，我就嘗試同製作組配合，同即刻改機票返香港。因為我冇拍過劇，好想爭取呢次機會，好彩最後佢等埋我。Casting前我準備咗1個星期，都有啲緊張，真係冇諗過會做到楊茜堯年輕版，當初係純粹想攞嚇經驗。」