焚城｜謝君豪未敢伙《破‧地獄》許冠文宣傳

焚城｜謝君豪未敢伙《破‧地獄》許冠文宣傳︰佢係一代宗師

謝君豪、魏浚笙（Jeffrey）昨晚（30日）聯同電影《焚城》導演潘耀明、監製江志強接受ViuTV《爆谷一周》錄影訪問。

《焚城》將與《破‧地獄》合作推出限量電影套票催旺本地電影市道，謝君豪大讚非常好︰「對觀眾亦係好事，可以睇曬兩齣片，希望大家支持香港電影。呢種方法從未試過，好有趣亦有話題性，將來其他電影可以仿效，大家合作將市道整旺至係最實際。

邊部戲會贏？希望係雙贏﹗兩齣戲一齊謝票宣傳？好提議，幾過癮，首先大家要睇曬兩部片先。我會揀同黃子華一齊宣傳，因為我哋比較熟絡，如拍住許冠文會有啲驚。許冠文係我偶像兼一代宗師，我細個時已睇佢嘅電影。」

Jeffrey選擇跟朱栢康一同宣傳︰「我同佢認識，而且我對破地獄儀式感興趣，到時可以問佢練習同拍攝情況。」謝君豪說︰「朱栢康拍電影《濁水漂流》時學過破地獄儀式，已有功底，拍《破‧地獄》應該會得心應手。」

談到《焚城》已舉行了多次謝票活動，謝君豪開心表示︰「觀眾話部片好感動﹗其實我每次睇每次都喊，有幾個位好動容。」Jeffrey亦被多場戲感動落淚︰「全港消防車出動救災一幕，我起曬『雞皮』。」

遊學修首角逐金馬影帝開心到喊 鍾雪瑩入圍影后先認輸

遊學修、鍾雪瑩憑《看我今天怎麽說》入圍第61屆金馬獎角逐影帝及影后，兩人昨晚（30日）出席電影首映禮時分享心情。遊學修稱知道入圍後「喊咗」，他說︰「有光宗耀祖感覺，真的很開心。我很久沒拍電影，能入圍已感幸運，很大鼓勵，證明我仍是演員。如得獎用手語致謝辭？我拍完後已忘記了大部分手語。」

第二次角逐金馬影后的鍾雪瑩說無壓力︰「今次有多位候選人是前輩，我能去影展見識，有份參與其中已很開心。去到台灣後，我預計要日日上堂去看戲。我沒幻想能與遊學修一同得獎，我的最大願望是入圍，已實現了，所以不會期望太多。」

遊學修稱為角色學習手語逾一年，每星期均要上堂，雖然辛苦，但獲失聰人士讚演得似模似樣，令他十分高興。遊學修說︰「我在戲中要把手語做得十分流暢，就像說廣東話一樣，很有難度，就像不懂法文但要演法國片一樣。我想把手語練到滾瓜難熟，因此很有壓力，直至其他失聰朋友說我ok，我才放心。我在戲中很少對白，導演笑言拿走了我的強項。」