郭珮文首次拍旅遊節目浸浴騷身材　陳懿德自爆為著泳衣刻意減肥 | 香港01

陳懿德和郭珮文（31日）出席《自駕德島》記者會，並在現場與主持黎諾懿分享拍攝感受！黎諾懿接受《香港01》訪問表示：「第一次拍旅遊節目同埋去德島，好多體驗都係好特別同埋新嘗試，我香港都比較少出埠，去到唔同環境都覺得好特別，都可以食到好多美食。」

她拍攝前以為需要有許多「扮嘢嘅橋段」，並表示：「之後發現旅遊節目係比想像中嘅真實。」

被問到在節目中玩激流的情節，陳懿德坦言嚇到心臟病：「其實呢個係我成個節目最深刻嘅行程，但係呢一個激流真係好刺激，本身我係化咗全妝，但過咗一條瀑布之後就完全幫我落曬個妝。黎諾懿仲笑我好似海獅咁。最開心就係喺呢個環節當中郭珮文突然自爆感情線。」

郭珮文自認有點跳脫：「其實我講感情事係有感而發，因為去咗個瀑布嗰度，好似失戀嘅時候比一場雨去淋，瀑布啲水打落嚟其實係有啲痛。」

她透露黎諾懿有關心她的感情狀況，以及有即場慰問。

陳懿德自爆為著泳衣刻意減肥

講到節目當中浸溫泉的畫面尺度，郭珮文笑言：「都正常嘅，等陣先唔係喎正常浸溫泉係唔著衫。」

陳懿德則馬上澄清：「我哋係有圍住個毛巾，係電視嘅尺度有著衫嘅。」陳懿德強調因為要著泳衣而去減肥，她說：「因為喺節目要企喺郭珮文隔離。嗰陣時間我係瘋狂開始減，大概一個月前就要去做運動，但去完呢一個旅程之後我覺得肥返。」

自駕德島丨黎諾懿讚郭珮文突然反眼有獨特綜藝感

陳懿德預告玩激流泳裝更性感

黎諾懿、陳懿德與郭珮文宣傳主持的旅遊節目《自駕德島》，諾懿指此行非常順利，在當地7日完成兩集節目拍攝，期間都是好天氣，他指自己是第2次到德島，第一次是和大仔去，今次和兩位女神去，才有機會玩激流、浸溫泉以及品嘗美食。

問到是否一起浸溫泉？諾懿笑言是得罪監製，因此只能分開浸，問到半裸拍攝？他笑言不用，因大家在劇集都早已睇過。

首次拍攝旅遊節目的郭珮文，此行帶備了3套泳裝浸溫泉、挑戰激流和體驗直立板，問事前可有減肥？她直言沒有，因此感到慚愧。而陳懿德則指知道要和郭珮文浸溫泉，怕有比較早於拍攝前一個月減了8磅，未想到7日的拍攝便打回原形。

至於郭珮文在節目中是否「天然呆」依舊？諾懿則大讚她有獨有的綜藝感，最重要不是裝出來：「她食飯時會突然反白眼，好似『師傅到』！」郭珮文則指不知道當時發生甚麽事，笑言經常表情不受控制，又直認比較呆，幸得兩位拍檔照顧。

問到兩位女拍檔誰較索？諾懿笑言：「各有各靚，因為是不同系列的車、賽車和電動車，所以沒法比較。」

至於陳懿德早前派福利分享噴血泳照，她直言是節目的浸溫泉相，因也想為節目宣傳，更預告收視好會有不同風格的相，問溫泉相最性感？她笑言不，反而玩激流時的泳裝更性感，因為有潛水衣在外便放心，笑言節目中也會有福利照。