TVB當紅小花不肯認愛！自爆要等肯嫁才公告天下

陳曉華唔肯認愛朱敏瀚等肯嫁先公告天下

37歲羅天宇心急搵老婆怕生BB距離遠

陳曉華（Hera）和羅天宇拍《巾幗梟雄之懸崖》，兩人最開心能跟黎耀祥做對手戲，Hera更指祥哥和定欣改變了她的人生及工作態度，相當誇張。雖在劇中首演情侶，但兩人不擔心再傳緋聞，因他們各有「另一半」陳懿德和朱敏瀚。問到Hera跟朱仔的「婚訊」，她講明拍拖不會公開，但結婚必定會公告天下，相當耐人尋味。

Hera和羅天宇首參與《巾幗》系列，更有幸跟黎耀祥和胡定欣合作，恨跟祥哥合作多時的天宇，更一度感動到喊，「真係期待咗好耐，啱啱入行睇佢寫嘅書，到《愛回家》有輯同套劇可能同佢合作，但最尾都係冇，我第1日同佢拍完，我係流眼淚。」

他憶述當時情況，「喺橫店同佢拍喺餐廳對坐嘅戲，我係成套劇第1場仲要同祥哥，好緊張，喺內地拍嘢同香港好唔同，啲crew人數多好多，成個環境太新好大衝擊，拍完嗰場嗌cut，我就同佢講好高興同你合作，我就眼濕濕。」幸好祥哥冇畀他嚇親，「佢見慣世面，可能日日都有人咁。」

同祥哥定欣合作學到嘢

Hera形容祥哥平時唔聲唔聲，但只講幾個字卻舉出輕重，「個個都同我講，你喺祥哥身上一定學到嘢，但祥哥唔係成日出聲，唔會係咁塞啲嘢畀你照做，只會突然喺你身邊講4、5個字，而嗰4、5個字係會影響你一生。」

她舉例子，試過問祥哥如何令演出有追看性，一直吸引到觀眾，「佢話『你要知道失去，先知咩叫珍惜』，我都失去過好多嘢，應該知咩叫珍惜，但拍完《巾幗》呢年，腦海成日彈出呢句，原來佢講嘅係同我唔同level，改變咗我好多人生諗法。」

未完待續,請點擊「下一頁」繼續閱讀