TVB當紅小花不肯認愛！自爆要等肯嫁才公告天下

Hera早前提到5年後才會考慮結婚，她坦認因事業心強，加上愛情從來沒保障，「點解我會咁想focus工作？！因為呢樣嘢係值得投資，因為我都好理性，如果我係咁拍拖都唔work，好似浪費緊自己時間，如果同呢個人一齊咗，係咪可以同呢個人行到最後，如果唔係行到最後，咁點解要拍拖呢？！」

所以她會花好長時間去了解一個人，再投入一段感情，「食個飯都可以睇到，又或者做嘢都可以睇到呢個人點樣，再諗清楚呢個人係咪可以結婚對象，先至投放自己落去，我覺得呢個係理性啲嘅做法。」

不過若然走到結婚一步，Hera講明會公告天下，「唔會收埋，對於我嚟講人生一啲大嘅階段，讀書結婚，生仔，我都一定會同大家講，因為我會一定有好多感受，一定會長篇大論喺社交平台度同大家分享。」但拍拖會否公開？她就拒絕話：「對我嚟講人生重要階段只有結婚，同埋生離死別，拍拖唔算。」