「大隻仔」羅浩銘撞過板學會適可而止 做武指曾搞喊「女神」蘇皓兒

古天樂旗下武打藝人羅浩銘除有份演出新片《把幸福拉近一點》外，還在電影《裡應外合》中任武指，為演員張繼聰、楊天宇、馬思惠等設計動作。

原來4年前他做《假冒女團》武指時曾搞喊「女神」蘇皓兒(Chloe)，撞板經歷提醒他不要太過執著，反而要擅用演員長處，做觀眾想看的：「好彩Chloe冇嬲過我。」 採訪：方騫平

2011年在TVB《功夫新星》出身的「大隻仔」羅浩銘，於新片《把幸福拉近一點》中收起拳腳，飾演患有「甘迺迪氏症」的富商凌文龍之司機兼看護。

最大體力勞動是要連人帶輪椅，抬住凌文龍上上落落，兩人亦有內心戲，他反而跟女主角林明禎沒有很多交流：「我哋對手唔多，加上拍時係疫情高峰期，大家要保持適當距離，所以冇畀佢電親。」

讚蘇皓兒不斷改進

至於電影《裡應外合》亦由他做動作指導，儘使有經驗，但仍存在一定難度：「因為阿聰跑馬拉松拉親大髀筋，而且要配合劇情，張繼聰、楊天宇喺夢中爭鬥，言行舉動要比較虛幻…」

不過，過去經驗提他push演員時要遷就對手能力適可而止，不要用自己角度出發。

因為平衡好重要：「印象最深刻做《假冒女團》特訓時，曾要求蘇皓兒用力踢腿，點知佢踢足一個下午，我都係擰頭，佢好自責及沮喪黯然下淚。」

當時羅浩銘未有呵返，只淡淡然叫Chloe休息後再來：「事後我攝高枕頭諗，反省過覺得自己唔應該一廂情願，觀眾都未必鍾意睇呢啲，都係我唔好。」

他大讚Chloe不斷有進步，尤其是《觸電》中演狙擊手，由舉唔起長槍到有板有眼，明顯有下過苦功，又肯吊住『威吔』危企3樓演出。

另外，入行16年的羅浩銘雖然從未做過男主角，但他enjoy每日的工作，不介意等機會：「其實古老闆對我唔錯，佢好支持我哋創作劇本，然後拍成勵志性電影。」