黎瑞恩辦晚宴玩古裝扮相吁人捐錢

邵美琪愛演古裝可天馬行空 知Yumi爆喊叮囑日後上紅館要請睇騷

香港藝人高爾夫球協會昨晚（9日）在尖沙咀筵開28席舉行20周年慈善晚宴，一眾藝人包括陳展鵬、單文柔、鄭希怡與老公、滕麗明、劉丹，郭佩文及張名雅等也有以古裝扮相出席。

黎瑞恩（小恩子）以會長身份現身，身穿白裙頭戴「光環」的她笑指自己是在扮演白玉剩女，主要職責是到處叫人捐錢：「市道唔好，儘量籌，不過都有7位數。」

而籌得的善款會分別捐給不同機構，幫助腦癱小朋友、做老人服務及資助小朋友有關學習方面。

已為該會擔任了7年會長的小恩子表示已有11年沒搞晚宴，所以好開心，並笑指古裝主題是大家一起想出來，因為有些賓客未試過古裝，他們扮完感開心，自己也會覺得開心。

她笑指自己在30多年前也試過拍劇著古裝，感覺很有趣。小恩子在12月需要演出音樂劇，她指現時不停練習，笑言有經驗後做起來也暢順點。

邵美琪笑指扮苗翠花，她指為了這個晚宴事前也試了很多衫，最終才選擇這套，而穿上後也重拾以前拍古裝時的感覺：「我哋覺得好開心，不過啲來賓仲開心，因為扮起上嚟好好笑。（你以後唔怕古裝？）唔係呀，我好鍾意，因為靚，古裝嘅諗法會好大，唔會有局限，可以天馬行空。」

提到剛完成劇集《臥底嬌娃》，邵美琪笑言終於可以休息，不過她坦言不累，也可以繼續拍劇，問到劇中的囡囡鍾柔美拍完後因不捨爆喊。

邵美琪說：「我知，佢係一個好strong嘅女仔，佢唔會喺我哋面前喊，但我知佢個心好唔捨得，但冇辦法，拍劇係咁，一班人啱啱開始熟嘅時候，大家有咗感情好似又要分開，佢要接受呢種感覺。」

她指與鍾柔美有聯絡，更希望她以後能去紅館開騷，更著她到時一定要請自己跟劇中的爸爸關禮傑睇去看。