呂慧儀稱10歲囝囝已康復上學 邵初莊思明拍劇成好友

呂慧儀、周嘉洛、莊思明等，今天（12日）聯同《愛‧回家之開心速遞》眾演員出席宣傳活動。呂慧儀兒子本月初參加內地遊學團，結果與20多位學童患急性腸胃炎，她受訪時表示兒子已經康復上學，校方已就事件做醫學監測，並慰問有關學生和家長，以及交代後續處理。

呂慧儀說：「這事件我擔心多過嬲，當時不知道其他學生都病，又不知如何去找資訊，個腦有很多問題，幸好找到醫護朋友解答，作為家長見到個仔不舒服很心痛，校方知道家長憂慮，都有效率處理。」她希望事件能帶出正面信息，喚醒家長們驚覺性，又指香港人經歷疫情，已學懂防禦病毒。

邵初與莊思明最近連續合作2劇，變成好朋友，邵初說：「互相被對方的爽朗性格吸引，我們會分享秘密和家事。」

莊思明與男友楊明近年結伴做義工，派發物資和做探訪，又帶出身於單親家庭的逾200小孩游台中。

愛回家｜邵初自爆有心意對象暗戀對方6年之久：最後都係冇結果

邵初於2021年參加香港小姐，勇奪季軍及友誼小姐獎項。今年7月，邵初獲安排加入劇組《愛．回家之開心速遞》飾演律師「Minnie」一角。

邵初在劇中一頭短髮初登場即惹起網民關注，有網民大讚她很靚女有氣質，而且演技夠自然不做作。

昨日（12/11）邵初現身電視城出席TVB處境喜劇《愛·回家之開心速遞》宣傳造勢活動，接受《香港01》訪問時表示：「其實都加入咗劇組都一段時間，環境所有嘢都適應。而最近編劇太有創意，係要我嘅角色Minnie去溝仔，對我嚟講係有少少難。

（本身溝仔對你嚟講好難咩？）哈哈，本身我就冇難度嘅，但Minnie溝係有啲難度。因為Minnie本身係一個好強悍嘅律師嚟，要我喺劇入面去追男仔係有啲難。

（現實你有冇試過主動追男仔？）係少嘅，反而我覺得而家冇呢樣嘢，大多數係情投意合，大家係會自然走埋一齊。

（讀書嘅時候有冇遇到心意對象？）讀書嘅時候有遇過一位男仔，我係暗戀咗佢六年，當時喺讀緊小學四年級，我一直鍾意佢到讀中三嘅時候，點知最後都冇結果。不過之後大家都冇再聯絡，但如果見到面都會打招呼嘅始終都係朋友。」