陳自瑤認一早知翠如懷孕

曾陪對方走過小產低谷 無追問性別最緊要健康順利

胡定欣、陳自瑤（Yoyo）、袁偉豪與太太張寶兒跟囝囝「袁咕碌」及馬詩慧等今日（17日）到啟德出席精品店開幕，對於好友黃翠如今日宣布懷孕喜訊，Yoyo聽後即掩面表示開心到想喊，並指早已知翠如懷孕了一段時間，但是這麽重要的事情，應該留待對方在適合的日子和時間公布比較適合。

提到翠如暗示自己曾經小產？Yoyo說：「呢啲事我都知，我哋一齊走過高山低谷，至於再深入就留返俾佢自己講，（你會做契媽？）呢啲只係一個虛名，係真心戥佢開心，（會唔會特別照顧佢起居飲食？）我已經隔得太耐，個女隔咗10幾年，等Shiga（連詩雅）傳授，佢近啲，啱啱生完冇耐，至於成長嗰啲嘢我就俾啲可以意見。」

至於翠如做媽媽是否受到她與Shiga感染？Yoyo就指不會，因翠如與蕭正楠也很喜歡小朋友，這些都是上天給他們的禮物。

提到Yoyo和Shiga先後誕女，覺得翠如會不會也是生女？她說：「我真係唔知，佢哋非常神秘，呢啲小秘密留俾佢哋自己，我冇追問亦冇八卦，無論男女都好，最緊要係健康同順利。」

至於是否會再抽時間多點陪翠如？Yoyo謂之前也有約出來食飯傾偈，不過她現在應該需要休息，問是否有妊娠反應？她表示每個准媽媽都有一點：「得閒都會陪住佢，但佢有老公陪，會錫佢。（諗咗買咩禮物俾佢未？）由今日開始諗！」

袁偉豪指兒子今日是一歲正日生日，早前已為他跟朋友及其他BB一同開了生日派對，他笑指兒子在百日宴也見過好多人，所以不怕生，張寶兒則表示兒子正在想學行，不過私心就不想，因聽聞爬行對BB的腦部發育較好，又笑言袁咕碌早前早前懂得拿著飯碗自己吃飯，是他送給自己最好的生日禮物。

問到他們現在是否適當時間追多個？張寶兒即問袁咕碌是否想做哥哥，不過袁咕碌即時擰轉面，非常搞笑。他倆又指平常在家沒有好人和壞人之分，又謂誰陪兒子多，兒子就跟誰，袁偉豪更開心地表示兒子是先叫「爹爹」。

提到黃翠如今日宣布懷孕喜訊，袁偉豪表示很替他們高興：「翠如係我好拍檔，我哋拍《使徒行者2》，一路睇住佢成長經歷，而家知佢哋多咗個身份，好期待我哋嘅小朋友將來一齊開party。（翠如有冇去你個仔生日會？）冇嚟到，但我哋久不久都會一齊食飯。」

同場的胡定欣指獲好友兼老闆娘胡曦文送贈了七彩手錶，定欣透露對方更叫自己幫忙設計手袋，令她勾起兒時做時裝設計師的夢想：「我俾咗少少意見，佢就用咗我最鍾意嘅紫色，再印埋我嘅英文名縮寫上去，我覺得好好玩，睇嚇遲啲有冇機會合作，將NW（其英文名縮寫）變成一個品牌。（送俾妳隻錶好貴？）收禮物冇問價錢，應該都OK嘅。」

定欣又謂近年受好友影響儲手錶，因為夠保值，不過就自爆曾買純金表，但因太重所以換掉，問到今年有那麽好的成績，是否也會買份禮物獎勵自己？她說：「如果有機會，都係唔錯選擇，套劇拍得咁辛苦。」