娛樂
TVB台慶紅地毯｜全台小生花旦盛裝出席
高海寧、馬國明今晚（19日）結伴亮相TVB台慶紅地氈，2人最近在深圳拍攝新劇《夫妻的博弈》，高海寧打扮頗性感，她笑說：「今晚見到好多女藝人都好靚，睇到嘩嘩聲，我就冇太多時間準備，凌晨1點半返港見到呢條裙適合就著，好開心，Blackpink成員Rose之前都著過呢條裙，然後運來香港，我就係第一個著。」
有指馬國明夫妻3度搬風水屋，藉此帶旺生仔運，他否認：「唔關事，只係租約期滿被趕走，希望未來唔再被人趕啦。生小朋友好隨緣，如果好似阿蕭（蕭正楠）咁幸運當然開心，就算𠵱家未有，過二人世界都開心，我哋生小朋友方面唔太心急，亦冇習慣擺風水陣，𠵱家先恭喜阿蕭。（去摸阿蕭沾旺氣？）好，一陣去摸一摸佢。」
《萬千星輝賀台慶》今晚（19日）舉行，同是港姐冠軍的馮盈盈及莊子璇，早前為大學母校以全英語接受訪問，身為師姐的馮盈盈被指態度作狀，今晚2人以性感造型現身台慶紅地氈，馮盈盈表示選穿這條裙，純粹因為少穿黑色，並不是挑戰性感，反而因要鍛練背肌要狂做健身。
馮盈盈稱接受母校訪問時，有同學留言指她語調方式與10年前一樣，見證她十年如一日，所以不存在作狀，她說：「我覺得做人最緊要自己舒服，不會理外界的評價，給自己框框。」
莊子璇亦力讚師姐不作狀用詞好好，很有文學氣息。馮盈盈稱比大家更早知好姊妹麥明詩懷孕，但之前已估到少少，問想不想做契媽？她說：「當然想，相信只要緣分到，一定有這個機會。」
不少女藝人均性感打扮搶鏡，包括馮盈盈﹑陳懿德﹑邵初﹑莊子鏇等，而人妻黃美棋亦罕有「中門大開」騷性感，她笑指試衫時，老公鍾健威在旁「嘩」了一聲，並說：「結咗婚係咁㗎啦！」但沒有阻止，明白她為一年一度公司盛事而扮靚。
未完待續,請點擊「下一頁」繼續閱讀
文章來源：搜狐
