TVB台慶｜「潛質女星」曾文心曾到中央戲劇學院進修 拍《反黑英雄》被負評

電視廣播有限公司（TVB）《萬千星輝賀台慶》昨晚（19日）圓滿舉行。為慶祝無綫踏入57周年台慶，今年的主題是「同一家人，與你前行」，邀請不少昔日無綫藝人好友「回家」。

TVB今年在「值得被看見的凡星」環節安排多位新人作自我介紹，讓一眾新星走到觀眾眼前。而在環節中頒發「全台力撐潛質女藝人」，在《反黑英雄》表現亮眼的曾文心，從拍檔張振朗手上接過獎項。

曾文心今年在《反黑英雄》中飾演學生「陳樂怡」，之後變成毒販，更被誘騙到泰國遭販賣器官後喪生，悲慘的人生當時引起不少觀眾關注。

與曾文心有對手戲的張振朗，昨晚在台慶上介紹曾文心：「我嚟緊要介紹嘅女藝人佢係非常勤力，佢每次都想做好啲，我覺得佢好勤力，但當呢套劇出街時，大家對佢好多抨擊，有人會問佢係咪識得邊個邊個，或者係咪讀過北京演藝學員可以做到呢個角色？我想講，佳導講過，呢個角色係cast咗十幾個女仔，佢係唯一一個讀熟曬所有劇本，對角色有絕對睇法，佢係感覺到佢好用心去試鏡。」

曾文心鍾意返工

張振朗之後向曾文心頒發「全台力撐潛質女藝人」獎項，《反黑英雄》監製鍾澍佳一度眼濕濕，而曾文心更激動到掩面，含淚與張振朗擁抱。

曾文心領獎後相當感動：「我都真係冇諗過會得到呢個獎，都係多謝TVB，多謝所有人，多謝屋企人，多謝所有前輩，多謝自己，我真係好鍾意同你哋一齊開工，以後我哋開多啲工。」

曾文心多演閒角

27歲的曾文心曾於北京中央戲劇學院進修，亦到過北京國家大劇院演出，於2021年成為第31期TVB藝員訓練班學員，畢業後加入TVB。

入行三年的曾文心，曾在《你好，我的大夫》、《非常檢控官》、《異空感應》、《飛常日誌》、《本尊就位》、《新聞女王》、《神耆小子》、《逆天奇案2》、《反黑英雄》等劇集中演閒角。

曾文心除在《反黑英雄》中被網民指外表老，不似學生外，在處境劇《愛．回家之開心速遞》中，飾演「威龍藥房」女售貨員，演出亦受到注意。

其中一個環節是「值得被看見的凡星」，亦成為全晚最感動及賺人熱淚的環節，一眾後起之秀的無綫藝人自我介紹並唱出陳蕾的《凡星》，觀眾席上的曾志偉和樂易玲被感動到眼濕濕。

譚俊彥（Shaun）和張振朗負責頒「全台力撐潛質男﹑女藝人」，分別由已故藝人廖駿雄的兒子廖家爵，以及女藝人曾文心奪得。

當Shaun頒獎給廖家爵之前，他先提到：「我同呢個朋友合作一部電視劇，我哋演同一個角色，即係佢演我後生版，然後我同佢有一個承諾，我拍戲時你陪住我，你拍戲時我陪住你，結果佢做到呢個承諾。

有一日入到間廠，係一個醫院場景，佢要演嘅戲係『我爸爸病咗，佢就嚟唔得。』佢嗰日演得好好，因為行番出廠後佢同我講，佢爸爸真係病咗，佢真係就嚟唔得，但佢好敬業咁完成每一個鏡頭，所以我今日想介紹呢位新人畀大家認識，你嘅努力所有人都會睇到，包括你爸爸，廖家爵。」