江美儀吳家樂爆黃翠如21年小產後身體變弱

江美儀吳家樂爆黃翠如21年小產後身體變弱：跑唔曬嗰段路 | 香港01

黃翠如與蕭正楠於2018年結婚，婚後多年一直相當恩愛，最近黃翠如於個人IG公布喜訊，自爆陀B的好消息，又表示過去她曾經歷過流產，如今成功懷孕，她與老公蕭正楠都相當感動。

日前YTube節目《娛樂好好玩》中，主持江美儀、吳家樂及嘉賓鄧兆尊亦有公開恭喜黃翠如懷孕，江美儀和吳家樂更在節目中透露曾在黃翠如小產後的狀態。

江美儀透露她與黃翠如曾不時一起跑步，更揭黃翠如小產後的身體狀況：「嗰時跑步好似係嗰件事（小產）之後，嗰時佢冇而家咁健康，係弱啲嘅，我哋跑……佢都跑唔曬嗰段路。」

至於吳家樂亦曾在TVB電視城巧遇黃翠如，他事後回想才知當時應該是黃翠如剛小產，「嗰段時間我仲喺TVB，我有見到阿蕭，佢表面就冇乜嘢，但翠如呢……見到就問佢『唔開劇嘅』，佢話『冇劇開……冇呀……好耐冇開工喇』，佢好多理由話自己唔做嘢。」

當時吳家樂以為黃翠如因合約問題而未獲安排工作，「當時對答係冇乜問題，但而家諗返就覺得，哇，佢好堅強。即係如果你面對到呢件事，仲要同人解釋點解唔開工，其實佢當時情緒好低落，佢根本上自己都接受唔到，兩個人面對緊呢樣嘢，但對住人哋又唔知點講，真係好難。」

TVB台慶紅地氈｜馬國明唔慣擺風水陣 生B隨緣 摸蕭正楠沾旺氣

高海寧、馬國明今晚（19日）結伴亮相無綫台慶紅地氈，2人最近在深圳拍攝新劇《夫妻的博弈》，高海寧打扮頗性感，她笑說：「今晚見到好多女藝人都好靚，睇到嘩嘩聲，我就冇太多時間準備，凌晨1點半返港見到呢條裙適合就著，好開心，Blackpink成員Rose之前都著過呢條裙，然後運來香港，我就係第一個著。」

有指馬國明夫妻3度搬風水屋，藉此帶旺生仔運，他否認：「唔關事，只係租約期滿被趕走，希望未來唔再被人趕啦。生小朋友好隨緣，如果好似阿蕭（蕭正楠）咁幸運當然開心，就算家未有，過二人世界都開心，我哋生小朋友方面唔太心急，亦冇習慣擺風水陣，家先恭喜阿蕭。（去摸阿蕭沾旺氣？）好，一陣去摸一摸佢。」