張馳豪慨嘆珍惜時光：好彩唔係敗家仔 談年邁雙親感慨落淚

原來年老雙親也是Aska的「喊穴」，一「篤」即喊：「呢兩年佢哋老得特別快，有少少變返細路仔，我覺得要珍惜同佢哋嘅相處時間…」

語畢Aska忍粗住流淚：「好開心呢兩年可以陪多咗佢哋，佢哋可以喺節目及宣傳上知道我嘅事，我哋之間關係反而好咗。」

讀過營養學碩士的Aska曾被父母反對入行，擔心他玩玩下搵唔到食，雖然出道4年暫時未有能力供養父母，但父母只要求他做人誠實，做事認真：「好感謝佢哋唔古板，肯放手畀我做鍾意嘅嘢，亦感恩自己唔係敗家仔，會懂得愛錫及珍惜佢哋。」

Aska自言會不斷求進步，想將最好一面給到父母看，讓兩老開心。