異空感應丨陳家樂忙住兩台走唔覺吃力

慶幸有工作機會 試過3部作品同時進行不能回家

陳曉華、陳家樂、譚凱琪與阮浩棕等到尖沙咀出席飯局齊齊收看《異空感應》首播，陳家樂姍姍來遲，坦言是忙拍另一台劇集《我愛九龍城》而遲到。

他直言事前有跟監製說有可能無法到場，後來看工作安排有機會趕上，才表示會到場，因此遲了少少。

陳家樂直言兩台拍攝感覺差不多

問到兩台拍攝感覺不同？他直言是差不多，因在友台合作的幕後人員，有9成都在TVB合作過，演員方面則是新合作，問拍攝和宣傳時間重疊可吃力？

他表示不吃力，有工作便覺得開心，但他直言播出日期比想像中突然，上月才討論何時播，11月突然知悉安排了檔期。

因此工作安排上比較緊張，雖然會盡力宣傳，但也直言會以拍攝為主。

陳家樂澄清不是「主腦」

講到陳曉華投訴被取笑臭，陳家樂笑言不臭，只是演員間開玩笑，但他不敢說沒參與，澄清並不是「主腦」，講到陳曉華拍攝辛苦，他指自己最辛苦是疊了三部作品拍攝，3日沒回家，笑言拍攝場地有設施也會沖涼。

異空感應｜阮浩棕火場實景拍攝爆破場口險盲：燒燶咗右邊眼睫毛 | 香港01

阮浩棕昨晚（25/11）現身尖沙咀出席TVB新劇《異空感應》首播宴。阮浩棕受訪時表示：「今次呢套劇我嘅角色係做法醫助理，而我嘅角色係有一啲秘密喺身，加上劇情係比較沉重，變咗拍嘅時候係比較辛苦，而其中有一幕係講我歇斯底里喺度咆哮，當中發生緊乜事呢？其實嗰啲位係會幾入心入肺，後期大家就會知發生緊咩事。」

另外，阮浩棕亦提到在火場拍攝爆破場口，令他一世難忘：「之前好多爆破場面都係後期製作，但今次唔係，完全係實景拍攝，真係有放火隊嚟放火，同埋真係有爆炸，而嗰次對我嚟講真係好恐怖，因為你會見到成間屋真係著曬火，我係要爬出嚟。我好記得當日武指同我講『阿棕信唔信我？

信我就埋位啦』當時我都冇反應，已經係呆咗，只係點頭示意得就埋位。當時我成身都搽曬防火膏，但褲入面小腿冇搽到，結果一到佢爆嘅時候，啲熱力湧出嚟，當時我以為燒到我小腿，但見冇人埋嚟叫停，心諗即係冇事，於是就演埋落去。

不過我再演另一場，我係被火燒燶咗右邊眼睫毛，好似電咗髮咁樣，當時自己係唔知，係化妝師發現話俾我先知。」