鍾嘉欣佛山個唱座無虛席 獲父母撐場 爆孻女聲靚 後繼有人

Linda續說獻唱《做你的晨曦》時，被觀眾席上的媽媽感動到喊，她表示：「呢首歌係講我對女兒嘅愛，因為今次媽媽在場，唱呢首歌時憶起好多媽媽湊我回憶，令我忍唔住喊，冇諗過自己會喊，好感動，每次望到觀眾席上嘅爸爸媽媽同個女，我都要避開視線。」

提到Anika，Linda表示3名子女當中，她覺得Anika最有機會繼承其表演的「衣鉢」：「佢雖然只有2歲，但性格外向，把聲好大聲又清脆，唱歌應該幾好聽，而且佢一聽到音樂及拍子聲就會跳舞，好有節拍感。」

個唱後，Linda透露一家五口來港過聖誕節，心情興奮，她說：「老公疫情後都返過香港，佢好期待，因為佢有好多親戚喺香港，3個小朋友都嚟過香港，佢哋好鍾意香港，會學到好多廣東話，我都想帶佢哋返嚟多啲。」