異空感應｜阮浩棕嘆娛樂圈好黑暗同雞排胸有關？

丁樂鍶現實兼任禮儀師工作因一事被封「趙希洛2.0」

【異空感應／TVB台慶／陳家樂／陳曉華／阮浩棕】TVB劇集《異空感應》目前在熱播中，雖然今周已進入另一個故事，不過陳家樂、陳曉華（Hera）和阮浩棕這個鐵三角組合仍然成為焦點。在昨晚（4日）播出的一集，阮浩棕罕曬一對健碩的胸肌，再加上高顏值，成功在網絡引發熱議，更被網民以「大波波」來形容相當搞笑。

阮浩棕因為一事稱娛樂圈真係好黑暗

在劇集出街後，阮浩棕在IG貼上當日拍攝的花絮相，原來是他生日，陳家樂親手為阮浩棕解開衫鈕，搞到陳曉華尷尬遮眼，阮浩棕留言說：「開拍之前，女PA衝埋嚟話：『導演想你解開啲鈕，見到你條腰包紥好』然後佢好開心咁拍足全程。而家諗返，可能係佢自己嘅意思。而拍嘅呢一日，撞正我生日。明明我拍完扣返好曬啲鈕，但係慶祝嘅過程，唔知係邊度出現咗一對手⋯將我d鈕一粒一粒咁解開，最後仲⋯⋯⋯娛樂圈真係好黑暗呀。」

異空感應丨陳家樂阮浩棕「最強CP」關係有變數

自從《異空感應》自播出以來，陳家樂和阮浩棕這對「最強CP」的似是疑非的Hehe情亦大受歡迎，不過這對「最強CP」的關係隨時有變數！

在昨晚（４日）播出的一集，劇情講到「Duncan」阮浩棕之前因為一個舉手之勞，竟然被「Candy」丁樂鍶瘋狂愛上，丁樂鍶除了在阮浩棕活動範圍失驚無神老是常出現，到處聲稱是阮浩棕女朋友外，還騷擾到阮浩棕身邊人，阮浩棕在忍無可忍下決定攤牌，豈料因而刺激丁樂鍶情緒，繼而發癲大聲吼叫兼玩自殘，混亂間阮浩棕被意外刺傷送院。

留院期間，阮浩棕因要包紮傷口關係未能扣上上衣鈕扣，令超結實胸肌若隱若現，加上阮浩棕的高顏值，結果成功在網絡引發熱議，

網民除留言：「你咁大隻得唔得？」，更以「大波波」形容阮浩棕，相當搞笑。

問到阮浩棕拍攝前有否刻意操胸，他透露於開劇前已接獲Amy姐（王心慰）order要練大隻，並花了約一個月時間日日做gym build肌，阮浩棕更乘機賣關子謂：「我之所以要練大隻，係同Duncan嘅背景有關，大家繼續追落去就知架喇。」

異空感應丨丁樂鍶被封為「趙希洛2.0」

飾演「變態戀愛腦」的丁樂鍶（Janice），憑藉靚靚外表、Gfable的甜美笑容，及揮灑自如的癲喪特寫鏡頭吸引關注，網民更封她為「趙希洛2.0」。

其實丁樂鍶於2009年藝訓班畢業後，已經憑《美女廚房》中的「美味天使」腸粉而受觀眾熟悉，多年亦曾參與過不少劇集拍攝，當中較突出的除有《殺手》中的兔女郎，還有《旁觀者》中的超不負責任Mk妹媽咪。

今次：「丁丁好靚女，希望多D戲份」、「燈勤女朋友幾正，我鍾意」、「有唐詩詠影子，媲美趙希洛」、「入咗行咁多年都仲keep得好好」、「痴女咁正又真係唔錯」。

未完待续,请点击「下一页」继续阅读

丁樂鍶再度突破，她一再感恩Amy姐（王心慰）看到她「不為人知」的一面：「我由細到大都係古古怪怪、有少少神經質嘅，估唔到Amy姐會留意到，好多謝佢夠膽用我演啲咁有發揮、又得意嘅角色，我之前真係好少有機會講咁多對白。」

丁樂鍶為「深愛阮浩棕」向張達明求救

不過今次「深愛阮浩棕」，丁樂鍶說：「有時同阮浩棕對戲，會Feel到佢對我嗰種厭棄，一望到咁樣我就有啲驚，覺得自己好難愛上呢個人，加上我哋拍之前完全唔識大家，所以成件事並唔係想像中咁簡單，我最後唯有打畀張達明老師嗌救命，佢就教咗我一啲快速投入角色嘅方法。」

丁樂鍶早前曾參加過張達明教授的演技班：「佢喺我心目中係師父，佢真係好似爸爸咁，就算個Course完咗，你有咩問題佢都好Welcome你打去問佢。」

丁樂鍶續指造型上「愛的紋身」及刀疤，也是難度所在，皆因相當花時間及功夫：「拍嗰時天氣都幾乾燥，著長袖衫會好易整甩個妝，所以要不停邊拍邊補；同埋因為啲刀疤要用風筒吹乾，所以都會流血同爆拆。仲有就係啲刀疤要Keep住相同嘅數量啦，有時都要謹記住同提番個化妝師。」

丁樂鍶演戲外還兼顧禮儀師工作

丁樂鍶曾表示目前有兼顧禮儀師工作：「阿姨主要為基督教同無宗教嘅喪禮儀式做禮儀師，有時係追思會、亦處理過火葬同土葬。太傳統嘅儀式我未必好幫到，我多數都係執頭執尾，可能係幫手疊番靚啲花，例如幫手剪靚同疊靚啲花、然後畀賓客放喺棺木上，又或者睇嚇家屬需唔需要幫手處理帛金，又或者喺佢哋心情好差時，有咩幫到手都儘量去幫手。呢個行業最大嘅難處，可能係有時見到逝者嘅親友好傷心咁喺度喊，就算自己受到感染都要儘量忍住唔好喊，要儘量保持番個平衡。同埋每位家屬要求都會唔同、唔同場地做法亦唔一樣，土葬和火葬也是不同處理方法，所以要學習的東西很多。」