恭喜恭喜！前TVB當紅花旦宣布懷孕 自爆與老公靠一事打敗「七年之癢」

王君馨曾因情緒問題發洩在老公身上

王君馨與圈外老公相識19年，二人今年7月迎來結婚7周年，不過，她早前接受訪問時曾大爆自己在去年完成個人演唱會後，因表現不佳，卻情緒出現問題，更一度發洩在老公身上，令老公都「頂唔順」出聲，最終二人透過婚姻輔導，成功修補關係，戰勝「七年之癢」。

她說：「記得做完演唱會1、2個月，自己有啲委屈同覺得做得唔好，情緒好波動，佢（老公）有一日都話未必受到我咁多情緒，因為佢過去幾個月都受咗好多，我先打開眼睛睇。」

Grace在訪問中透露，數年前成為獨立歌手後經歷不少風浪。

而每次遭到拒絕，都會出現「心魔」，她說：「以前經理人有啲工作傾唔到，佢唔會同我講，但離開咗舊公司之後，每次畀人拒絕係自己接受，啲客會問可唔可以幫手拍少少嘢，又要傾價錢，我本身麵皮不夠厚，我要再厚啲，但我個心要健康，人哋拒絕我，可能係佢唔得閒，或者唔夠錢，所以撒旦好叻『你紅人哋咪唔會拒絕你囉』，呢啲聲音聽得好多。

（有沒有天使幫你？）有，除咗神，身邊有好多姊妹，好似衛蘭、衛詩、鍾舒漫，大家都喺呢行好多年，又係獨立歌手冇簽公司。」

王君馨夢想是當上跳唱歌手

王君韾夢想是當上跳唱歌手，當她離開TVB後，全力向夢想進發。翌年4月參與內地綜藝節目《了不起！舞社》，同年9月於內地推出全新單曲《別把我對你的愛當作卑微》。

王君馨曾說：「我的音樂路比較遲起步，我怕自己40歲未必有勇氣去做這件事！」也因為追逐跳唱歌手夢而把生小朋友的計劃延遲，「我同老公都想要小朋友，雙方都有少少壓力！同時我不想有一日望住仔女，說我為了他們而放棄追夢！」