歡樂滿東華2024｜鍾柔美被指頂替炎明熹參加《聲生不息》

聞言：唔准咁樣講 喜與容祖兒影Selfie

鍾柔美（Yumi）及冼靖峰等昨晚（7日）出席《歡樂滿東華 2024》，Yumi與冼靖峰及8歲小朋友吳欣彤一起表演「虛擬音樂世界」項目，三人又唱又跳；

Yumi指小朋友夾跳舞沒太大難度，更指自己8歲時也不及吳欣彤般勁，反而比較擔心冼靖峰，因為今次的跳舞比較複雜，而對方也有問自己如何可以跳得更好。

Yumi否認頂替炎明熹

對於Yumi最近參與節目《聲生不息·大灣區季》被指是頂替被雪藏的炎明熹，Yumi聞言即說：「唔係，唔准咁樣講，我唔想因為呢件事影響我同Gigi關係，我都係跟公司安排，其實都開心有機會，呢個係生日禮物，因為會喺生日前一日出街，好開心同感恩，因為諗唔到自己可以上到更大舞台。」

Yumi獲容祖兒一同自拍

至於炎明熹是否知道她參與節目？Yumi表示沒特別提起外，也沒跟任何人提起，又指今次可學到很多事情，也可見到前輩外，還可以見到最喜歡的偶像容祖兒，笑指見到對方後緊張到手震：「Joey同我影自拍，因為我哋識同一個dancer朋友，佢話影張相俾朋友睇，好開心佢竟然主動同我影相。」

除了容祖兒的愛，還見到《聲夢傳奇》導師衛蘭，對方更當自己是小妹妹一樣，幫她紓緩緊張情緒。

Yumi參加《聲生不息》未諗過要紅

至於今次被公司安排去《聲生不息》，問Yumi會否覺得行炎明熹的舊路？Yumi表示不覺得，因為林智樂也有去，故去之前只是問過對方的意見，而今次逗留了三日兩夜，很開心可以跟李施嬅、鍾楚曦和麥嘉欣一起唱歌。

問到是否覺得成就解鎖？Yumi說：「其實不斷解鎖緊好多嘢，都好多謝《聲生不息》畀呢個機會我，知道真係好難得，我就繼續努力、不停成長，繼續學多啲嘢。」