女強人視後宣布「結婚」？曬低胸婚紗照笑容滿瀉 情路崎嶇多次遇渣男

43歲視後的唐詩詠，2022年與TVB結束20年賓主關係，離巢後刻意減產幕前工作，她擴展事業板圖，飛到日本學麵包，早前與朋友合資在銅鑼灣開麵包店，至今麵包店日日排長龍，生意做到冇停手。

女強人的唐詩詠早前在銅鑼灣街頭與四眼男密密斟，今日（13日）竟在IG突曬婚紗照，莫非她事業愛情兩得意？

唐詩詠飛韓國見Ｏppa

最近唐詩詠飛了去首爾有不少新體驗，她先在IG透露：「你好嗎？！今次去首爾，有好多新體驗，特別多oppa。」

更與兩名Oppa在公園舉V合照。今日，唐詩詠又在IG出新post，她寫道：「Who are you？去韓國點都要試嚇電頭髮、化個韓式妝去影相，攝影師會教你擺pose，搖身一變，韓劇女主角嘅味道出曬嚟，攝影團隊都話我溫柔咗好多（喺張相入邊）。」

唐詩詠IG貼婚紗照

照片可見，電了一頭曲髮的唐詩詠，充滿韓風feel，她心情大靚在髮型屋內單眼自拍，她更分享了一張婚紗照，帶上頭紗、身穿白色low cut A字裙款婚紗的唐詩詠，雙手拿著白色小花束，笑到見牙唔見眼，難道她找到真正的幸福？

網民在帖上留言恭喜，並大讚「新娘子」好靚，「恭喜你要嫁人了啊！好美麗哦。恭喜恭喜」、「嫁得出」、「呢一集好正！睇到『韓星』女神相睇，你絕對可以擔當韓劇女主角」、「是不是七師傅教你的絕招改運？」另外也有網民指唐詩詠似韓星朴寶英和金喜善。

馬國明結婚1周年放閃 湯洛雯︰謝謝你讓幸福變得這麽具體