江若琳拍《學警狙擊》壓力大！角色入屋：電視劇的威力好大

江若琳（Elanne）今年8月正式回歸樂壇，她於上月底推出第二首派台作品《一圈》，並接受《香港01》 專訪大談創作概念。江若琳在結婚生子前積極在歌影視三棲發展，拍過不少電影，也曾經拍過TVB劇集。談及昔日在劇集《學警狙擊》中飾演江悠悠一角，她表示：「當時我攞完個TVB新人獎，嗰一晚有個慶功宴，樂小姐（樂易玲）就同我講有個角色好啱你。」

自爆拍TVB劇四頁紙對白壓力勁大

被問到當時入TVB拍劇的難忘事，江若琳說：「入到TVB拍劇嗰陣諗原來啲廠景係咁真嘅，拍劇要好多頁紙一take過，因為所有嘅機器都係上邊，好大壓力，因為錯咗一句全場戲就要再嚟過，我覺得係一個好好訓練嘅地方，喺新人嘅階段去拍呢一套劇，之後你就會覺得拍戲唔係好難，因為電影嘅對白短短跟住cut完機先再拍，但拍劇真係四頁紙嘅對白，咁多前輩喺度真係唔可以累街坊。」

難忘與周海媚拍劇

江若琳續指與吳卓羲、苗僑偉和周海媚合作都非常難忘，並表示：「因為喺拍戲嘅過程都好照顧我哋後輩，同埋拍呢套劇真係好開心，嗰陣時出街啲公公婆婆都會嗌我角色嘅名江悠悠，原來電視劇嘅威力真係好大。」

提到周海媚當時是否親自教她演戲，她分享：「佢同埋苗僑偉都有，係非常好，喺拍攝嘅過程會不斷教我，教我點樣去走位，真係要好准，點樣去演嗰場戲，所以真係幫咗我好多，至少令到我哋唔會有咁大壓力，令到成個過程都好投入！」

講到周海媚已經離世，她直言：「真係好sad，點解會有新歌《一圈》，因為呢幾年真係經歷好多人突然之間就走咗，或者啲朋友突然之間失聯，所以對於生命就覺得好化學，大家唔知道自己嘅一圈會行幾耐，或者中途就走咗，所以我覺得開開心心咁過每一日就得，嗰首歌就講緊細個嘅時候好渴望做大人，細個嘅時候就會覺得好想快啲長高，童年嗰一種快樂真係好可貴！」

未完待續,請點擊「下一頁」繼續閱讀