韓馬利從舞蹈員跳到幕前 初拍劇被李家鼎狂罵「蠢到死」

韓馬利（Mary）近日接受譚玉瑛（阿譚）、何基佑及黃筠兒主持的新城《QK玉瑛室》節目訪問，憶述入行經歷。韓馬利自小熱愛跳舞，入行前曾是一名舞者。

她說︰「我媽咪係教書嘅，佢覺得有書唔讀去跳舞有咩發展？不過，佢反對之下好民主，而且我細個代表好多學校去攞獎，又代表全香港去比賽、1970年喺日本世界博覽會嘅香港館表演，我同查理斯王子影過相㗎！」

韓馬利後來在母親安排下到英國升學，但她不喜歡讀書，一年後購買機票獨自回港，令母親非常生氣。

她說︰「我返到香港就同周梁淑怡（Selina）個女補習，我媽咪同佢講個女讀唔成書好冇用，Selina提議我入TVB做PA。見工時，孫郁標見我跳舞攞咁多獎，覺得唔跳就嘥咗。咁啱公司唔夠舞蹈員，佢問我可唔可以去跳舞。我媽咪就係唔想我跳舞，點知Selina出口，我媽咪就應承畀我跳一年，PA有位就轉番過去。我之後就好自然咁轉到幕前，真係無心插柳柳成蔭。」

1976年，韓馬利首次拍劇，在《陸小鳳》中擔任女主角。她坦言當年未讀過訓練班，拍攝時常被李家鼎罵。

韓馬利說︰「以前拍功夫片，有一段時間好鍾意用拳腳，除咗吊威吔或者好高跳落嚟，否則全部自己做，冇替身。我嗰時邊有學過，臨時拍臨時學，入到廠學完要即刻拍。你知李家鼎幾惡，我直情打到出廠嘔，嘔完仲要畀佢鬧『蠢到死』。不過佢個人心地好好，好關心人，只係性格係咁。」

與杜燕歌結婚35年，韓馬利笑言與丈夫十分不相襯︰「我哋簡直係南轅北轍，無論係我哋嘅思想、生活習慣、鍾意嘅嘢都完全唔一樣，冇拗撬時就好，如果碰到底線，我會話再講我會發火，咁大家就唔出聲；我同佢都30幾年，由好難磨合，到依家都彼此尊重對方。」

鄭嘉穎自稱small potato 避談表弟王賢志申請破產：輪唔到我幫

鄭嘉穎今天（19日）以大使身分出席保良局聖誕活動，他表示以往透過不同團體助養兒童，亦呼籲大家加入助養行列，讓有需要的小孩得到愛。

談到表弟王賢志申請破產，嘉穎表示比新聞報道早一點收到相關的消息，希望他能順利解決問題。被問會否出手幫忙？他說：「輪不到我吧！他的家族很大，我只是small potato，未需要到我，屋企人的事不多講了。」

對於吳家樂在主持節目中爆料，指近年頻聽到王賢志向外借錢，以及不獲王父幫手還債的傳聞，嘉穎說：「我不想多講，相信他經長遠考慮才走這一步，不是簡單的選擇。（會問候他？）相信這時間，每個人都不會想有人插嘴，想有空間。」

問他會否跟家族成員食飯做冬？他坦言隨著一些長輩過世，家族關係已變得疏遠，他說：「不是每個家族都這樣嗎？小時候跟媽媽參加家族活動，一年見幾次，到長大後各有家庭便會逐漸散開。」

另外，鄭嘉穎笑言曾帶5歲大仔參與慈善探訪，但他未懂事，只知道20人擠在房內很好玩，要慢慢向他灌輸教育，嘉穎說：「現階段教兒子金錢觀和價值觀，想他辨別到很多事不是用錢買得到，好似愛和家庭就買不到。」

唐詩詠在同區開設麵包店，嘉穎表示新店開張時已恭喜她：「連我都要排隊，證明她成功背後下過不少苦功。（詩詠稱揀麵包不揀愛情？）她自有分數，難得她做到自己喜歡又成功的事。」