萬千星輝2024｜阮浩棕打入十強「男配」及「飛躍」：兩個獎好想攞 | 香港01

阮浩棕今日（23/12）現身荃灣出席TVB熱播劇集《異空感應》宣傳造勢活動。提到在《萬千星輝頒獎典禮2024》獲提名《飛躍進步男藝員》，及憑劇集《異空感應》成功打入最後十強「最佳男配角」。

院浩棕接受《香港01》訪問時表示：「其實其他對手都好強勁，變咗呢兩個獎對我嚟講，好坦白講係冇乜把握，而我都係抱著平常心去看待，而我都會諗，攞唔攞到都唔係重要嘅事，咁所以我都冇去諗邊一個獎有把握啲。兩個獎我都好想攞，但邊個獎有把握啲，我可以話係冇。」

萬千星輝2024｜陳曉華3項提名打入十強預陪跑：攞唔攞獎睇得好淡 | 香港01

陳曉華（Hera）今日（23/12）現身荃灣出席TVB熱播劇集《異空感應》宣傳造勢活動。陳曉華在《萬千星輝頒獎典禮2024》分別獲提名「最佳女主角」、「最佳女配角」、「飛躍進步女藝員」及「馬來西亞最喜愛TVB女主角」4個獎項。

經過頭輪投票之後，陳曉華未能躋身「最佳女主角」最後十強被飛出局，其餘3項提名成功闖關。

陳曉華接受《香港01》訪問時表示：「雖然冇咗《最佳女主角》，但仲有《馬來西亞最喜愛TVB女主角》我依然係好開心，你知唔知嗰張相，我同其餘9位真係好靚嘅女主角企埋一齊，嗰種感覺係好唔一樣，我係好開心，嗰張相能夠擺埋一齊。其實我攞唔攞獎我係睇得好淡，因為冇就冇，都冇辦法。如果有嘅話固然係開心啦。其實所有十強嘅人，都係好值得擁有呢個獎。」

何遠東成年冇劇拍　試過激到導演要掟爛電話：冇辦法 | 香港01

何遠東（東東）今日（23/12）現身荃灣出席無綫熱播劇集《異空感應》宣傳造勢活動。對於恩師前TVB監製王心慰（Amy)榮休。

東東接受《香港01》訪問時表示：「其實Amy姐係得恩師，以前冇佢扶持我，我都冇咁多演出嘅機會，講真佢喺TVB已經關照咗我十幾年，我都有同佢講，如果要我掃街，我都會幫佢拍，因為呢啲係恩嚟嘅，咁所以呢啲係要報。不過難保有一日Amy姐都會返嚟TVB再拍嘢嘅，好似好多公司咁，過一過冷河先。」

被問到成年冇劇拍，如何維生？東東表示：「我何遠東仲係生存得好好，其實我係好努力咁教緊書，我喺喜劇教育方面，主力係喺中小學度任教，我每日都會遊走唔同嘅中小學，透過戲劇令佢哋學習知識，又或者控制情緒。

其實我都教咗十幾年，試過以前激嬲個導演掟爛咗部電話『邊有演員要度期㗎』，但冇辦法，因為我要教書。咁所以而家仲有得食，仲有錢去旅行嘅。」