鄭伊健甜蜜曝光蒙嘉慧馭夫術 罕發表愛妻宣言公開相處點滴

鄭伊健最近為聖誕檔上映的新片《久別重逢》宣傳，日前接受昔日拍檔譚玉瑛的電台節目《QK玉瑛室》訪問，透露太太蒙嘉慧已回流返港。近日鄭伊健又亮相鄭丹瑞（阿旦）主持的網上頻道節目《健康．旦》訪問，罕有再提起太太蒙嘉慧，還甜蜜曝光蒙嘉慧的馭夫術。

鄭伊健提蒙嘉慧甜蜜

向來對感情事極低調的鄭伊健，在節目中多次甜蜜提起蒙嘉慧，並表示身邊多個伴非常開心：「如果有一個好脗合嘅人，喺身邊陪伴當然係非常開心，不一定係每件事打點，可能有共通嘅話題同嗜好，或者接近、或相反嘅嗜好，但會配合你。」

鄭伊健蒙嘉慧有共同話題

鄭伊健提到與蒙嘉慧的相處，會為自己帶來甜蜜和刺激：「我去過萬那杜，但我冇想過要睇極光，你知道男人永遠覺得要預約好多好麻煩，佢全都處理好，我哋走吧，咁就去。」

鄭伊健又指蒙嘉慧有多重身份，包括將家中瑣碎事處理好：「所有事佢都安排得很好，包括我屋企所有事，而我哋真係有共同話題。」

鄭伊健蒙嘉慧已婚12年

鄭伊健對不時被網民捕獲兩夫妻外出，直言二人有很多話題：「我話其實我一直俾佢嘮叨，開玩笑，佢會願意陪伴，佢想做咩我都願意陪佢嘗試。」

鄭伊健早於2005年因拍劇認識黎諾懿，二人因為鍾意打機非常投緣，亦因黎諾懿相約蒙嘉慧打羽毛球，變相撮合二人。鄭伊健與蒙嘉慧於2013年初到東京結婚，二人有共識不生育，結婚已12年仍非常甜蜜。

蒙嘉慧學日文開地產公司

51歲的蒙嘉慧結婚後淡出幕前，近年多度被網民在日本捕獲，見到她與老公鄭伊健在日本各地旅行。

蒙嘉慧曾透露與鄭伊健有一次去福岡旅行後，便愛上當地，並一度定居開設房地產公司，早年學習日文派上用場。

不過蒙嘉慧去年突然復出，亮相ViuTV旅遊節目《呢度住嚇 嗰度住嚇》，分享在褔岡的生活，鄭伊健之後爆料蒙嘉慧已回流返香港，更笑老婆唔使做，游手好閒。