獎老「阿七」吳嘉儀宣布離巢TVB稱「夠鍾轉車」
前年新婚不久驚傳婚變再被「趕」出家門
33歲的吳嘉儀（阿七）是《開心無敵獎門人》「獎老」之一，在2023年與圈外男友「豬仔」Leo新婚不久已亮紅燈，吳嘉儀一度公開與老公之間的矛盾，幸好最終雙方成功解決問題，繼續維繫夫妻關係。
吳嘉儀在2024年完結前數天，曾預告身份將有轉變：「我近排社交網絡上比較低調，因為需要時間調整自己，新身份和崗位，安頓好後好快再通知大家！」
吳嘉儀宣布新身份和崗位
吳嘉儀今日（6日）在IG宣布新身份和崗位，原來她約滿離巢TVB並說：「人生第1份全職工作就係演藝畢業後加入TVB藝訓班，話咁快就9年喇。感謝把我由一個修讀舞台表演嘅學生訓練成一個電視演員、主持、帶貨主播。唔係下車，只係我夠鍾轉車喇，命運很玄妙，想見的人總是 會再見的！」
吳嘉儀最喜歡演戲望遇到具挑戰性角色
吳嘉儀（阿七）在2015年加入TVB後，曾演出不少幕前作品，除了憑處境劇《愛·回家之八時入席》中「王嘉莉」一角為觀眾熟悉外，近年分別在劇集《金宵大廈》、《再見·枕邊人》等飾演「鴉烏」及花痴千金「Kandy Ho」受到注目。
對於今次離巢，吳嘉儀說：「阿七仍然最喜歡演戲，希望有幸遇到更具挑戰性嘅大小角色，有機會演活屬於香港嘅好作品、好角色，期待嚟緊嘅劇集、電影、舞台劇、微電影、網片casting& 工作，主持、帶貨、探店工作我會繼續努力做，歡迎DM我，還有，珍惜每次教小朋友嘅機會，多謝您哋令我保持童心和正能量。」
吳嘉儀回顧昔日難忘回憶
吳嘉儀還回顧昔日難忘回憶：「太多第1次嘅回憶：第1次拍處境長劇、第1次拍落雨戲、機車飛車、跳海、亂葬崗替身戲、第1次拍烹飪、飲食節目、第1次參與由細睇到大嘅綜藝節目拍攝、第1次離開屋企成個幾月返內地拍劇...
所有的回憶都造就阿七嘅成長，要多謝嘅貴人、前輩太多，聚會見、工作見、在心中，努力加油，fighting！PS: 非常感恩已經順利完成了，自由身後的第1個工作。 2025新開始 多多指教 好好回顧然後向前進發 第1次做freelance。」
吳嘉儀近兩年經歷多次身份轉變，前年她宣布與圈外男友結婚，
但至同年12月初，她突然在IG限時動態連環出po，爆seed鬧爆老公並直斥：「唔好講幸福喇，連抖啖氣都有困難！」
接著她再留言說：「你要斤斤計較係你品德問題，唔好逼人順從你嗰套。我洗自己賺嘅錢對自己的家人、朋友好有咩問題？最好我養埋你供埋樓但寫你名，個個星期叫我諗去邊，入場費、parking又唔想畀，我畀ok呀，叫你揸機影張相就黑面hea撳，其實撳幾個制又唔駛錢嘅，駛唔駛咁嘅態度先？最嬲係：日日都對住啦，駛咩維繫感情呀?（態度輕佻）」
未完待续,请点击「下一页」继续阅读
{nextpage}吳嘉儀自爆被人成衣櫃衫掟出大門
當時吳嘉儀更以英文再度留言說：「我不好，但我能活下去。」還說：「 話我擺3枝送畀家人嘅護膚品喺車后座會整花佢tesla座位啲皮（已提出搵到任何𠝹花痕跡，我願意照價賠償）。
每日被話蠢話麻煩話污糟100次 又唔係未試過被改密碼鎖無家可歸 又唔係未經歷過畀人成衣櫃衫掟出大門 要求認真反省其當欺凌作玩笑的性格問題。」