萬千星輝2024｜陳山聰撐張震朗奪視帝：今年我比較偏心少少

萬千星輝2024｜陳山聰撐張震朗攞視帝：今年我比較偏心少少 | 香港01

陳山聰和胡諾言昨晚（4/1）以嘉賓現身亞洲國際博覽館出席由全港最大直播平台 OhBaby 舉行的「OH 斯卡頒獎典禮」。

二人更在台上大開金口獻唱多首經典歌曲，將現場氣氛炒熱。

講到直播帶貨，陳山聰接受《香港01》訪問時表示：「之前試過做直播帶貨3個鐘，感覺同拍劇登台係好唔同，因為要喺鏡頭面前不停咁講嘢，要介紹個產品，咁所以係會有啲難。」

被問到今屆睇好邊個做視帝？山聰表示：「今年我比較偏心少少，我會投張震朗，因為我同佢合作過好多次，知道佢好醉心演戲，我喺現場睇到佢好努力，咁所以今年係時候係佢。至於視後我就好難揀，因為手背都係肉，手掌又係肉，又有胡定欣，又有林夏薇，又有楊怡，又有姚子羚，咁所以都真係難揀。不過佢哋三個都攞過，咁我就揀子羚，因為佢未攞過。」