《東張》女神「貓仔」黎寬怡下月結婚！

過大禮巨型龍鳳鈪兼金頸鍊搶fo 參茸海味擺滿三張檯

現年29歲的《東張》女神「貓仔」黎寬怡宣布結婚了！「貓仔」黎寬怡與拍拖多年的攝影男友阿Sing感情穩定，想不到踏入2025年即傳出好消息，兩人將會在下月舉行婚禮，早前進行過大禮儀式。

「貓仔」黎寬怡跟足傳統過大禮

雖然「貓仔」黎寬怡和未婚夫阿Sing是教徒，不過依然跟足傳統進行過大禮儀式， 全程做到足，除了鮑參翅肚、八大精美禮籃與及龍鳳嫁囍禮餅外，當然還有兩對巨型龍鳳鈪，４條金頸鍊，禮品多到一張檯都「放唔曬」，要額外加多兩張檯兼放滿地下。

「貓仔」黎寬怡過大禮場面震撼

對於今次過大禮的安排，「貓仔」黎寬怡說：「因為我係大女、我未婚夫阿Sing都係大囝，從未幫手做過過大禮，所以過大禮需要嘅物品連利是封點用都唔識分，好彩有Wedding planner Olivia幫手，教阿Sing點準備同埋帶齊工具幫手擺靚啲過大禮用品，先有咁靚咁得禮既場面。」

她還說：「由房間行出嚟嘅一刻，真係有被震撼到！第一次畀咁多禮物包圍，真係好驚喜好意外！而過大禮當日成個氣氛超好，爸爸媽媽都極為滿意。媽媽見到啲布置之後，興奮到立即換咗件靚衫出嚟打卡，而一向內斂嘅爸爸仲開心到一直幫我哋影相同拍片，好開心到父母兩個笑到見牙唔見眼，有大家一齊見證住我兩個呢個幸福時刻，真係好幸福。」

「貓仔」黎寬怡又指接著要繼續籌備2月婚禮，相信一切會順順利利。

黎寬怡因搵命搏被封為《東張》女神

黎寬怡曾在2017年報名參加港姐，不過只得面試機會，其後她投考TVB第29期藝員訓練班，畢業後成為旗下藝員，主力在《東張西望》擔任其中一位外景主持。

初入行不時「做訪問做到喊」，連張衛健、黃宗澤、吳卓羲、胡定欣也領教過，近年因為採訪節目而搵命搏，被封為《東張》女神。