朱千雪未有計劃追B：搞掂呢個先

大讚老公落手落腳湊仔 提議新婚蔣家旻先享受二人世界再生育

朱千雪（Tracy）今日（10日）出席奧比斯•曼秀雷敦「蒙查查～食茶點」活動，與擔任司儀的林秀怡和過百位小朋友一起體驗蒙眼食茶點又玩護眼挑戰。

曾千度近視的朱千雪，表示現在不會經常玩電話，亦會定期檢查眼睛，更儘量不會讓囝囝接觸電話。

她說：「我讀小學三年班已經有三百幾度近視，以前成日睇書會匿喺張床蓋住張被度睇，可能養成壞習慣睇，近視唔敢同父母講，等到睇唔到嘢先檢查，之後近視加深，直至廿幾歲先做雷射矯視，就會注重護眼。」

談到囝囝避免接觸電子產品，問到會玩什麽？她笑說：「玩我囉！第時唔畀佢打機，咪就要跟父母玩，每日我放工就會同佢玩具、讀書，但佢應該開心，我哋就好攰。」

朱千雪又指囝囝容易照顧，畢竟要陪伴囝囝玩，所以要花心機同時間陪伴。談到可會追生B，她笑說：「搞掂呢個先，因為真係好攰！希望我哋熟習啲先再生多個。」

大讚老公全程揹BB

對於可會鼓勵好友湯洛雯及新婚的蔣家旻生B，朱千雪坦言有提議她們可以享受人生先，因為有小孩後會想趕快回家，雖然放工休息，但要照顧小孩，所以也會懷念二人世界。

提到早前一家可三口到首爾旅行時，老公全程揹BB獲網民大讚。

她說：「佢係非常落手落腳湊BB，我負責喂奶，佢就會幫手沖涼，又會好樂意揹BB，亦好享受做爸爸，讚佢都好可以更加落力。」