關秀媚離婚3年已習慣單身生活

對幕前工作有興趣等好劇本 不怕不適應 : 呢19年經歷比演戲更厲害

關秀媚今晚（13日）為梁思浩主持節目《直播靈接觸》擔任嘉賓，梁思浩指兩人在10幾歲時認識，節目中也會送兩人第一次拍戲的片段給對方作為禮物。

暫未想開始新感情

關秀媚指梁思浩早已叫她上節目，但因自己沒有有關靈界的經歷，所以拒絕了2、3次，不過今次主題因講述中國傳統習俗，例如結婚和離婚，所以也可以分享。

她說：「我有4個家姐，諗返細個佢哋出嫁時嗰啲樟木櫳，好靚，又有好多山珍海味、龍鳳鈪，思浩都有問我有冇見過大妗姐，我結婚係西式所以冇用，一個簡單派對咁。」

關秀媚去年透露已離婚3年，回復單身的她指現時生活不錯，也已經習慣，但就沒有想要開始另一段感情。

關秀媚承認有人傾談中

工作方面，關秀媚表示有做一些美容及關於供應給酒店、餐廳產品工作，至於幕前工作，已退出娛樂圈19年的她表示仍有興趣，也正在等好劇本。

目前也有在傾談中，雖然長時間沒有在幕前演出，但她坦言不擔心會不適應：「因呢19年嘅經歷比演戲更厲害，我冇要求，最緊要睇劇本，有發揮機會就會做，最緊要有戲做，啲朋友都有話咁樣好忙，要做自己公司又要拍嘢，我覺得唔緊要，抽幾個月出嚟做一啲自己開心嘅事，我覺得幾好幾充實。」

03年發生交通意外，因醉酒駕駛找人頂罪，終被判妨礙司法公正罪而被拘留十四日。