影后回巢TVB拍劇獲許濤親自探班　點名兩位演員合作出山全因一人

近年不少無線出身的藝人都回巢拍劇，1990年港姐冠軍兼兩屆金像影后袁詠儀，原來亦悄悄重返娘家，早前就被野生捕獲入劇組開工，跟隨老公張智霖步伐返TVB拍劇。袁詠儀現時正為TVB新劇《模仿人生》開工，日前她與劇中拍檔羅子溢與陳自瑤等於深圳進行拍攝工作，期間更獲無綫行政主席許濤親自前往探班，足見她備受重視。

TVB娛樂新聞台當日就到了深圳採訪袁詠儀，並拍下了許濤親自去探班一幕。許濤對袁詠儀表示：「你好耐無拍劇喇喎，多謝你返嚟呀。」袁詠儀便對許濤說：「係呀，你要多啲支持我哋呢套劇喎！」許濤即表示：「所以我咪嚟囉！」

袁詠儀繼2009年拍完《富貴門》之後，已經有好長時間無拍劇，原來她今次肯強勢回歸都是因為一個人。

袁詠儀接受訪問時說道：「鍾澍佳（劇集總監製）囉！我幾鍾意佢近呢一段時間嘅作品，我都睇過一啲，佢亦都好好，佢之前亦都有問過我拍另一啲，但我話我想拍另一啲時，佢真係有啲幾得意嘅，我就考慮啦。」

袁詠儀表示自己也有留意TVB的劇：「其實我幾鍾意《婚後事》，覺得好貼地。」

說到此劇有兩位劇中主角陳自瑤及羅子溢助陣時，袁詠儀坦言：「係呀！我哋做咗好大爭取㗎！（一定要佢哋喺度！）係呀！喺合約有寫㗎！呢啲要求冇乜人做，通常係講開工時間，幾多錢，但係我唔係，我就係要呢啲演員。 」

當她得悉羅子溢以及陳自瑤與她一樣同是追求完美的處女座，便笑言：「咁麻煩？咁呢個劇組有難喎。」

袁詠儀又指今次出山拍劇，老公張智霖都大表支持，因為她老公覺得人要工作才會長壽：「佢覺得人一定要做嘢，唔做嘢好快死，唔可以咁早退休，要揀自己鍾意做嘅嘢，喺屋企你眼望我眼，好快會鍊死對方。（佢會嚟探望？）我老公好少，大家都係拍戲嘅，有咩好睇！(佢會好掛住你架？) 總之唔死就得喇。」

張智霖（Chilam）及袁詠儀平時出雙入對，Chilam出外或到內地工作，靚靚都陪伴在側，相當恩愛，想不到現時重返無綫拍劇，兩口子同樣拍住上！靚靚有份參演的馬來西亞賀歲片《OMG！阿媽有喜》日前進行宣傳，當時她因未能出席，只透過視像連線跟大家見面。

據知她早已秘密返內地為TVB新劇《模仿人生》進行定妝，並已正式入組開工。靚靚近年已甚少參與港劇拍攝，上一次與無綫合作，已是2009年的劇集《富貴門》。今次劇中對手相當吸引，除了之前東網率先披露的張曦雯、張振朗及羅子溢外，還有好戲之人「視後」江美儀加盟拍攝，劇中江美儀跟靚靚及關禮傑對手戲甚多，影后跟視後氣場不容置疑，二人斗戲連場必定精彩。

劇中還有「翻版Chilam」張振朗，未知他跟靚靚會否有對手戲，但二人同劇出現已充滿噱頭。日前兩位影后、視後已展開拍攝，穿黑色套裝裙及長靴的靚靚埋位前與劇組人員對稿，期間笑容滿臉，狀態十足，而江美儀的裝束較為有氣派，一看就知不易對付。

未完待续,请点击「下一页」继续阅读

另一邊廂，據知Chilam亦正傾談另一套無綫劇集《璀璨之城》，與早前合作拍攝內地綜藝的好兄弟吳卓羲（Ron）齊齊擔任男主角，接拍成數甚高。之前曾傳出《璀》劇女主角由視後林夏薇及龔嘉欣擔任，不過現已進行「大洗牌」，兩位型男助陣，女主角誰屬實在令人相當期待。

Chilam接拍《璀》劇相信除了是覺得劇本吸引外，再與Ron合作亦是誘因，二人合作節目後老友鬼鬼，跟藝人陳小春、謝天華等不時聚會，今次他們在劇中演兩兄弟，故事講述他們是出身自顯赫世家的富二代，Chilam更娶了Ron的前度，故男、女主角感情線方面相當糾纏、複雜，甚具追看性。

曾有指會參演的林夏薇日前受訪時坦言未收過消息，至於龔嘉欣亦表示未收到通知，受訪時只表示：「其實我都未同Chilam同埋Ron合作過，兩位都系我好想合作嘅前輩，如果有份參與會好開心，希望有機會啦！」