萬千星輝2024｜陳曉華陳楨怡透視誘惑 劉穎鏇大秀長腿

TVB台慶頒獎禮2024‧紅地氈｜吳若希險仆 蕭正楠傍實 打扮被嘲貨不對辦

吳若希和蕭正楠結伴行台慶頒獎禮紅地氈，吳若希身穿白色晚裝，裙腳部分甚多羽毛，其間她險仆倒，幸及時企穩，加上蕭正楠傍實，沒有出洋相。

早前她預告Deep V落到肚臍，但今晚條裙被笑貨不對辦，雖然心口有個V字，但有塊薄紗，她笑言肚臍生得比較上，腰線又高，又稱今次是入行以來最性感，自嘲再性感都沒有看頭。

蕭正楠的孕妻黃翠如未有亮相紅地氈，她亦有份候選最佳女配角，蕭說：「可能會參加頒獎禮畀驚喜，太太都係大熱，希望佢會攞奬，通常大熱都係傳字，能否一齊攞獎好難講。」

TVB台慶頒獎禮2024‧紅地氈｜鍾柔美大個女 性感透視裙亮相

鍾柔美（Yumi）今晚（19日）以一條透視黑色晚裝裙，亮相台慶頒獎禮紅地氈，Yumi略帶性感，她解釋剛滿18歲，想帶新鮮感給大家。

她說：「第一次性感，初初都唔習慣，擔心Carry唔到件衫，睇衫見模特兒穿得靚，試身嗰陣都被讚著得好靚，提升咗信心。

（再挑戰性感？）交造型師安排，自己多作嘗試。（給媽咪過目？）有問，佢話OK，自己都會設底線，最緊要自己穿得靚及舒服，唔舒服都會拒絕。」