萬千星輝2024｜林景程首奪最佳男配角超意外 緊張到手震反白眼

萬千星輝2024｜林景程首奪最佳男配角超意外　緊張到手震反白眼 | 香港01

TVB年度盛事《萬千星輝頒獎典禮2024》今晚（19日）隆重舉行，「最佳男配角」由《反黑英雄》的林景程奪得！林景程在得知自己得獎一刻大感驚訝，上台時全程手震震、口窒窒，不但呼吸加速，更甚至反白眼，看來對自己得獎都感到非常意外！

林景程逐一多謝一路上給予他機會的人，又對已逝世的媽媽表示感謝：「佢好擔心我入一行會學壞，我想同你講我今日拎咗個獎，我過得好好，同埋我應該都冇壞到，我希望你會滿意今日嘅我！」

林景程參加《超級巨聲》後加入TVB成為藝人，同時身兼「物理治療師」，要在兩種身份之間遊走，時間分配上當然會辛苦啲，不過他曾在接受《香港01》訪問時自言勝在做緊自己鍾意嘅嘢：「當然可能會攰少少，兩邊兼顧總要有啲付出。」

林景程不單工作認真，對待感情亦相當認真，先是同圈外女友結束12年愛情長跑步入婚姻，更已有生小朋友的打算：「其實計劃緊嘅，咁都努力緊嘅，但喺都係等緊個天畀我（同太太晚晚做人？）有嘅，有計劃性咁去做（已經準備好成為一個爸爸？）我已經ready好生個小朋友，我都有個計劃大概去點樣照顧小朋友。」

林景程曾在劇集《下流上車族》中將「衰仔」呢個角色演得淋灕盡致，寧願「要狗唔要媽」的行為更被網民鬧爆。

而現實中林景程母親因病逝世，連孝順媽媽的機會都沒有了：「我媽媽就走咗，我都好想孝順佢，私底下完全做唔出拋棄媽媽行為，完全係做唔出（媽媽幾時離開你？） 08年，都十幾年啦，因為病痛而離開咗。」

未完待續,請點擊「下一頁」繼續閱讀