佘詩曼《新聞女王2》下月開拍！

重量人級演員與「Man姐」斗戲 陳曉華回歸展復仇戰

49歲佘詩曼前年憑《新聞女王》「Man姐」文慧心一角再度爆紅，在TVB《萬千星輝頒獎典禮2023》榮登三料視後之餘，在各地的獎項都拿個不停。

承接《新聞女王》的餘威，2024年依然是佘詩曼的豐收年，在各地依然有獎攞，工作依然忙過不停。

《新聞女王2》 今年農曆年過後開工

佘詩曼最近因拍TVB和優酷合作、以律政為題材的劇集《正義女神Themis》，早前完成內地的戲份後，目前在香港外景，今日傳來好消息。

《新聞女王2》 在今年農曆年過後開工，除原有班底佘詩曼、高海寧、陳曉華、王敏奕、李施嬅、馬國明及鄧智堅 外，還有男主角黃宗澤及飾演「記者妹」的谷婭溦加盟，有指更會有一位重量級人物加入，飾演佘詩曼的養母，兩人有連番惡鬥。

佘詩曼因劇本吸引而接拍

佘詩曼完成《正義女神Themis》後，將要投入《新聞女王2》的拍攝工作，佘詩曼坦言因劇本好吸引忍不住要接拍，本來曾有指《新聞女王2》將有電視版和電影版，佘詩曼稱本來計劃同期拍，不過最後專注劇集先。

忙過不停的佘詩曼期望完成所有劇集後，與好姊妹去旅行，好好放鬆一下。

黃宗澤期待與佘詩曼合作

陳曉華今次在《新聞女王2》將會回歸向佘詩曼報仇，不過現時還未收到劇本，所有細節都非常保密，目前希望快點開拍續集，期待今次可以在他們身上學到東西，在現場感受多一次角色！男主角黃宗澤亦相當期待兼緊張，因未曾與佘詩曼合作過。

阿佘昨日在新蒲崗為《正義女神Themis》拍攝外景，期間她「萬歲」請劇組食格仔餅，非常窩心，難怪跟她合作過的演員都跪求「Encore」！

在《正》劇演法官的她對白多，甚考記性，最頭痛的是角色跟《新》劇「Man姐」一樣是女強人，所以她要好好拿捏，兩者不能太相似。

她坦言：「我好擔心，原本拍頭2、3日已經要進入角色，但我拍咗超過一星期都未系好肯定，每一場拍完都要問監製似唔似Man姐，化妝師跟我一齊拍咗好多年，初頭佢都行過嚟同我講：『你呢句對白唔好咁講，好似Man姐。』

後來一拍法庭戲就完全唔同，好在我頭髮都長少少，造型上我同監製講想戴眼鏡，我覺得一個書蟲要有近視眼，不過戴眼鏡拍攝上好麻煩，一來反光，二來遮咗啲眼神。」

她預計《正》劇要待農曆新年後才煞科，幸而新年期間有3天假期：「諗住見嚇啲朋友同趁機休息，因為之前喺內地拍咗兩個月只系休息咗一日，真系好攰。」