魏浚笙首當電影男主角搏到盡 拍新歌MV未敢狂食

魏浚笙（Jeffrey）今天（25日）出席新歌《孤獨美食家》戶外宣傳活動，吸引逾百粉絲到場支持。Jeffrey開心重回第一首歌曲MV的首映地點播新歌MV，他表示新歌MV在日本取景，拍攝時配合歌曲主題嘗了多款美食。

他說︰「我要為新戲喼弗，拍MV時唔敢狂食，每款食物只食2、3啖，而且每日跑步。」Jeffrey表示新戲的女主角是日本女演員，他早前已完成在香港的拍攝部分，農曆年後會到日本繼續拍攝，預計在當地逗留個多月。

Jeffrey透露在片中有很多動作場面，更要赤膊上陣。他說︰「我第一次擔正演出，所以對自己身形要求好高，要搏到盡，令自己唔後悔。」Jeffrey自言十分滿意現在的身形，應有盡有，線條、肌肉盡現。他笑言︰「每部位嘅肌肉都好生性咁出曬嚟﹗」

Jeffrey被問到經理人女友會否覺得他現在更好攬時坦言︰「反而仲辛苦﹗大家揀攬枕都要軟綿綿，唔要石頭。」

談到好友洪嘉豪與COLLAR成員蘇雅琳（Ivy So）傳地下情，Jeffrey表示洪嘉豪已回應了，他身為旁人無謂多講。Jeffrey︰「我都識佢哋，好多嘢都係講緣分。」

魏浚笙避談洪嘉豪與Ivy So地下情 : 好多嘢講緣份

新年後到日本拍戲為保身形唔敢食年糕 現時磅數最輕笑言行街都會抹汗除衫

魏浚笙（Jeffrey）今日（25日）於露天廣場為2025年首支單曲《孤獨美食家》宣傳，吸引過百人圍觀。

Jeffrey首次擔正對自己要求高

他表示在2025年首度推出新歌好開心，記得首支歌曲也是在此首播，今次有回到以前的感覺，而MV於日本取景拍攝，逗留了2、3日，並為了MV拍攝吃了好多，但每次吃幾啖，因為農曆年要為新戲到日本開工。

他說：「喺日本拍MV時，每日拍完都去跑步。」他又指新戲是日本合拍片，女主角也是日本人，很期待跟他們交流，香港戲份已完成，農曆年會出發到日本開工拍個幾月，戲中所演角色好多動作戲，事前要操身形，因為要騷上半身，由於首次擔正電影，所以對自己身形要求高，又認為搏到盡無悔。

談到操練胸肌尺寸，他說：「應有盡有，每個部位都好生性出曬嚟，因為就嚟開工，都唔敢食年糕，怕難消化肚腩大。」

他又指現在的磅數最輕，還以為當年演出《I SWIM》最瘦，亦對自己身形感滿意，又搞笑指行街時也會抹汗除衫。

問到女友可覺他好攬，他笑言有肌肉變得辛苦，皆因揀攬枕都不會揀石頭，也會揀軟綿綿。

自認是二打六

另外，提到洪嘉豪與COLLAR成員Ivy So（蘇雅琳）在網上被傳發展地下情一年。他說：「佢已經回應咗！（可覺兩人合襯？）我自己係二打六，無謂多說，兩個都認識，好多嘢講緣份。」