蕭正楠新年約洪永城陳家樂傾爸爸經

計劃開Party公開BB性別 透露醫生建議翠如開刀生產

蕭正楠、馬國明、冼靖峰及鍾柔美等昨晚（28日）到廟街出席TVB直播節目《喜迎金蛇慶豐年》，身為準爸爸的蕭正楠指新一年希望小朋友能快高長大，又笑指老婆黃翠如有叮囑他表演完要馬上返家。

蕭正楠指新年將會跟朋友搞小型聚會拜年，亦會相約洪永城和陳家樂傾爸爸經，年初二就會上中山工作，笑言覺得很開心，因為到時會有很多人畀利是自己：「未收過，好期待，而家可以開始收，耕耘咗咁耐終於有收穫。」

他指之後每個月也會有2、3日回內地開騷，到時翠如是否跟著去則要看距離，問到何時公開BB性別？

他指也打算搞派對公開，又謂老婆現時食得多之餘也很怕磅重，但也有向老婆解釋這是很正常，自己亦不會叫停她，又透露今日老婆突然想吃腸粉，自己也有揸車出去買，可惜很多地方都已經關門。

事後老婆傳了很多失望樣emoji給自己：「我有應承過生完之後帶佢去旅行再食過，佢而家好多地方睇到都想去，不過我諗唔准，但我相信佢係一個有責任嘅媽媽，最初頭嗰陣應該會留喺香港睇BB先。」

他指已向公司請了產前產後的陪產假，自己也正在上堂學湊B，因為BB的頭較大，所以醫生暫時也建議開刀生產。