馮盈盈想要事業財運多過桃花運？陳曉華避談朱敏瀚年宵市場買大桃花

馮盈盈想要事業財運多過桃花運？

陳曉華避談朱敏瀚年宵市場買大桃花 爆今年多劇出街好需要人緣

陳曉華（Hera）與馮盈盈到廟街出席直播節目，Hera緋聞男友朱敏瀚早前到年宵市場買了一棵大桃花，問她是否有收到桃花？

Hera即表示自己今年行年宵時也有買了小桃花：「不過棵桃花未開，我有少少覺得慘啦點算呢？（好想行桃花運？）我好需要人緣，我今年有好多劇出。（去朱仔屋企行！）自己嘅桃花緊要啲。（佢個棵夠大。）我喺商場見到嗰啲仲大，仲勁啲。」

對於蛇年展望，Hera就希望可以去更多不同地方工作及唱歌，現在也有跟老師學唱歌：「我希望今年有多啲唱歌嘅機會，其實喺老師面前唱我會放鬆好多，反而出嚟唱就緊張啲，同平時練習好唔同，所以想有多啲機會唱。」

至於馮盈盈就表示希望能夠新嘗試，例如在自己的短片頻道中可以有新主題的影片分享給大家看：「我想講多啲關於教育、營養同健康嘅嘢，學以致用。」

未完待續,請點擊「下一頁」繼續閱讀