盧宛茵離婚復出養家「膊頭都側曬」　曾被問點解要接《鴨王》 | 香港01

盧宛茵入行46年，當年憑《朱門怨》憑二少奶一角走紅，75年嫁給第一代新聞王子何鉅華，育有兩子一女，直到88年因性格不合離婚。

盧宛茵近日接受港台節目《安哥同學會》訪問時，提到當年為養家只有不停做，但因責任關係從未怨過。「嗰時好慘，一味做做做，我啲仔女去英國讀書，啲人問點解唔跟去，我點跟？我要喺香港搵食，我嗰時一個人養6個人，3個仔女加父母，仲有我自己，真係膊頭都側曬。」

盧宛茵指自己為養家搏命做，有次王晶找她客串電影《鴨王》一角，但竟被TVB同事問「點解《鴨王》你都拍？」盧宛茵向對方解釋自己客串媽媽一角，並表示自己「有得做就做」。

盧宛茵又提到數年前嘅「盧師動眾Madam Show楝篤笑」，當時連宣傳發料都自己搞埋，十分上心；而在楝篤笑扮Lady Gaga，雖然要練舞十分辛苦，但過程十分開心。