衛蘭參加《聲生》打下強心針 跳出舒適圈做獨立歌手慶20周年

衛蘭（Janice）小時候填寫「我的志願」是新聞主播，結果她成為情歌天后，一唱就二十年。由入行開始，Janice都在大公司下成長，已習慣被包裝、被指揮，大樹好遮蔭的代價，換來是沒有say no的權利，亦令她沒有抵抗力，遇上任何打擊，很容易便被打倒，但也是個祝福，繼續走下去。

去年，Janice首次參加內地綜藝《聲生不息》引來極大迴響，讓她打下強心針，同時令她決定跳出comfort zone，做獨立歌手自己話事，Janice說：「踏出呢一步，我覺得返唔到轉頭喇！」

出道即橫掃各大頒獎禮新人獎的衛蘭（Janice），適逢當時香港的卡拉OK盛勢，她首張廣東專輯的《一場誤會》、《心亂如麻》、《My Love My Fate》與《大哥》等歌曲，唱得街知巷聞，亦是八、九十後的集體回憶，Janice說︰「我到依家每次唱《My Love My Fate》都好大感受，會諗返當日做黎明演唱會嘉賓，第一次喺紅館唱呢首歌，其實第一晚我就入咗醫院，因為太緊張，個肚好唔舒服，結果第二晚，大家見唔到我上台，但當時都冇特別去解釋，係幾嬲自己，畢竟當時好年輕，只有廿三歲。」

紅得快，當時Janice連靜下來好好思考的時間都沒有，「好多嘢都來得太快，冇時間，真係太忙，每日拍廣告、影好多相、做好多雜誌訪問、錄好多歌，嗰陣係一次過錄十首歌，以前冇得say no！」試過一次「爆煲」，在黎明面前發脾氣，「我記得有一個表演，好似我甩咗歌詞，嗰陣時都係病緊，老闆話我，我就話我都唔舒服啦，你點解仲要話我？嗰陣都幾頑皮，受唔住俾人話，企起身就走咗去，之後諗返唔係好尊重，自己都覺得態度好差。」

二十年經歷不是一條直線

轉眼今年就入行二十周年，Janice即將展開首個大型世界巡唱，問她會否邀請黎明？她笑笑口說︰「我諗都難，哈哈！我諗佢唔想，呢幾年的確少了聯絡，幾年前生日或者聖誕都會message嚇，唔知點解又失聯，不如你幫我問佢，哈哈！呢個二十周年好重要，由佢帶住我事業開始，仲有雷頌德，嗰段時間真係好幸運，事業遇到佢哋幫助，遇到好多好歌，所有嘢都好感恩。」

未完待續,請點擊「下一頁」繼續閱讀