高海寧回應今年賀歲片質素比較差：唔會因為一個人言論影響

最近網上有人評論今年賀歲片質素比較差，高海寧就覺得每個人都有自己的評價：「咁我唔會因為一個人嘅一個言論，而影響咗成個大嘅市場，再加上其實特別係成個市場，可能未必咁好情況下，我覺得反而應該多啲嘅鼓勵。

譬如我會自己畀錢去睇曬咁多不同嘅賀歲片，因為呢啲係出於一份支持，再加上其實我哋而家可以做嘅就係，我哋希望帶多啲嘅歡樂畀觀眾，咁呢啲時候其實我覺得睇你用咩角度去評價呢一件事。即係如果你想睇一啲得獎片段嘅，你咪去睇文藝片囉，就唔係賀歲片。」

馬國明都覺得大家標準都不同：「可能佢嘅標準係要睇攞獎戲嘅，咁其實我成日覺得賀歲片係帶歡樂畀觀眾嘅，又唔使拍到咁深，最緊要大家開心心咁咪得囉。所以當然每個人有自己嘅言論自由，咁大家標準亦都唔同，所以我係會聽到佢嘅説話聲音。但係我都係嗰句，每個人嘅標準唔同嘅，所以又唔可以話一個人代表曬全香港。」