王敏奕重提奪「最佳衣著獎」

爆肚多謝曾志偉︰過年時攞出嚟講笑 幸老爺身經百戰感嚇親不覺失禮

王敏奕（13日）今日出席DEEPAL及產品香港發布會，提到早前她在《萬千星輝頒獎禮2024》獲得「最佳衣著獎」時，誤以為非直播時間，真情流露跟老爺曾志偉報喜「老爺！我攞獎！」而獲網民大讚可愛。

王敏奕指農曆年見面時也有講這件開玩笑，又笑指老公曾國祥稱曾志偉身經百戰也被她的行為嚇親。

拍笑片演新手媽媽

王敏奕續說︰「多謝網民支持！當時以為係廣告時間，因為現場有娛賓環節，我唔知係直播，所以想搞Gag，平時我唔會同老爺咁玩。攞到呢個獎好開心，係你哋投畀我。」

當笑問老爺曾志偉可有覺得她失禮？王敏奕笑言老爺嚇親，農曆年見面時也拿這事開玩笑。

談到工作狀況，王敏奕表示稍後拍攝喜劇電影，當中有笑有淚，飾演新手媽媽，並說自己對演媽媽角色不抗拒，因為在劇集《女人俱樂部》也是演媽媽角色，早已衝破關口，就算演阿嫲角色也沒問題。

她說：「拍完電影後會緊接拍劇集《新聞女王2》，電影版就未接到通知。」

提到昨日元宵節，王敏奕表示沒有跟老公慶祝，明日情人節則要開工，亦未有收到花同禮物。

修讀駕駛改進課程

談到王敏奕的駕駛技術跟老公曾國祥邊個較叻？王敏奕笑言有跟老公學習駕駛技術，現在她駕駛電動車，自覺方便又毋需停車熄匙。

另外她表示對汽車要求最緊要坐得舒服，會駕車接送朋友，但駕車時間不能超過兩小時，並笑稱自己駕車技術屬安全的「辣妹」，也試過被扣分，需要修讀駕駛改進課程。

她說：「以前經常入機場時犯錯，長期霸住條快線，呢個問題衰過三次，而家梗係唔會犯啦！」