被郭晉安扯口罩陳豪幫拖講好話：系友善嘅舉動！

藝人陳豪昨日（30日）出席電影《逃獄兄弟3》首映，見他手上貼了卡通膠布，更稱之為愛心膠布，他說：「囡囡幫手關車門，但佢快得滯，整傷咗我，佢好內疚，差啲想喊，即時搵咗塊膠布畀我，我同佢講我冇事，真系甜到入心。（囡囡好黐你？）個個都黐，佢哋每個性格都唔一樣，但三個都系我嘅天使。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

另外，提到之前郭晉安（安仔）跟他做訪問時扯下他的口罩，安仔被網友狂轟無禮貌，他即為對方講好話：「唔使鬧佢，佢系友善嘅舉動，而唔系敵對，加上我同安仔合作拍劇成為好友，大家當時訪問冇戴口罩，所以佢都唔想我戴住口罩去見觀眾，我同安仔系好朋友。

（你當時好尷尬？）冇尷尬，系有少少愕然，如果我介意佢扯開我個口罩，我就會戴番，但我都照除。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他解釋現時疫情緩和，不介意除口罩，但要保持社交距離，但承認現時在家仍會戴口罩睡覺。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而陳豪在戲中飾演獄長，沒有動作戲，拍得算舒服，問到多久冇拍電影？他坦言：「好耐冇拍，耐到唔記得，監獄電影系香港電影經典題材，之前導演搵我做獄長，我即時想起張耀揚，但佢想我演得有啲唔同，想我演一個斯文同正直嘅獄長。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

郭晉安公然扯低陳豪口罩行為惹網民熱議

日前無線（TVB）舉行全台逾百藝人云集電視城的《周年慶典節目巡禮2022》，推介來年重頭節目和劇集，場面墟冚。而疫情以來口罩不離身的陳豪亦有到場，及後陳豪與馬國明、郭晉安接受節目《東張西望》訪問時。

郭晉安在鏡頭前突然伸手拉低陳豪的口罩問：「你系咪成日要做口罩廣告呢？你系咪想接口罩廣告？」一臉尷尬的陳豪表示「OKOK，撕低畀大家睇下。」

郭晉安成功拉低陳豪口罩後對著鏡頭表現興奮，表示：「Yeah！我終於除到佢口罩喇！」節目播出後，不少觀眾質疑郭晉安的做法，指他不懂尊重人家的安全意識，以及隨時影響陳豪家人的安全，以及漠視了第六波疫情的危機。