星島網：周志康26歲做「嫩爸」家中有三條Queen 老婆曾認錯阿哥係自己

32歳的周志文和周志康是孖生兄弟，2009年一齊參加第一屆《超級巨聲》，或許至今仍有好多人唔認得「邊個大孖？邊個細孖？」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

在昨晚（5日）播出的《日日媽媽聲》，細孖周志康就自爆連老婆都曾經認錯兩兄弟，他說：「因為佢唔知我係孖生，嗰時佢第一次上我屋企，我咁啱整緊嘢、我阿哥去開門，佢就奇怪點解呢個人咁熟悉又咁陌生嘅。」反而兩名女兒就未有撈亂他和哥哥志文。

阿康在25歲成家立室，26歲就當「嫩爸」，現已有7歲大女Emma，和3歲細女Elva。被指是「佛系爸爸」的阿康，笑言一早已打算早婚並對婚姻充滿期盼：「我係孻仔吖嘛，我由細到大都好想有人畀我照顧，咁我依家屋企有三個Queen畀我照顧。我最縱兩個女嗰個，亦係最惡嗰個。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

細述囡囡「胎前記憶」

另一嘉賓關心妍就透露婚後等足7年才懷有囡囡楊榮心（心心），並分享了囡囡的神奇「胎前記憶」，並坦言一度被冧至爆喊。

她說：「唔知真定假㗎，佢（囡囡）講㗎啫，但我做媽咪聽到係冧到不得了。大家知我等咗佢七年，我每晚都會陪佢瞓嘅，嗰日我忍唔住多謝佢嚟到呢個世界上、又話我真係好鍾意佢，點知佢無啦啦彈咗句：『我都等咗你好耐啦，我喺舊雲上面等你，Jesus喺嗰度畀我揀（媽咪）。』

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

（你點知係我？）你粉紅色頭髮架嘛。』咁嗰時我演唱會嘅髮型真係粉紅色頭髮嘅…嗰晚我叫完阿囡瞓，就衝出去搵老公爆喊，好感動！亦都想鼓勵番媽媽們，你等緊佢（BB）之餘，其實佢都等緊你。」