簡淑兒被飛出《聲夢傳奇2》評判之列 突然宣布離巢：唔想再活喺個框框入面
入行十年曾是無綫力捧小花，現時32歲的簡淑兒，昨晚(20日)突然在社交網出po宣布回復自由身，仲話唔想活於框框入面，早前有報道指她要飛到馬來西亞為《聲夢傳奇2》擔任評判及表演嘉賓，簡淑兒更表示會在當地「食好西」，點知最後竟然冇份兼離巢，唔係當事人自爆都真係好難相信係事實。
閱讀全文
32歲的簡淑兒，突然宣布離巢無綫。（圖片來源：[email protected]_jessica）
簡淑兒離巢消息突然 現年32歲的簡淑兒，去年6月被踢爆與麥大力拍拖後，事業一直停滯不前，早前有傳麥大方將棄做幕前返回機師崗位，簡淑兒昨晚(20日)亦突然宣布離巢，她在社交網留言：「曾經有一份執著，好想喺度做到啲成績出嚟，去到有一刻，發覺自己唔想再活喺一個框框入面，慢慢咁失去自己的價值，之後仲有好長嘅路，我會繼續努力。」她在文中多謝公司合作過的導演同監製，多謝大家給她機會、鼓勵同肯定，並續寫：「多謝曾經美好過嘅回憶，最開心喺到認識好多好好嘅同事，跳出框框的勇氣，自由身，新開始吧。」
簡淑兒話離巢係因為唔想再活喺個框框入面。（圖片來源：[email protected]_jessica）
簡淑兒向公司及合作過的人道謝。（圖片來源：[email protected]_jessica）
原本有份跟《聲夢傳奇2》出埠 簡淑兒曾是女子組合「少女標本」成員，早年憑《愛‧回家之開心速遞》的「年青版熊尚善」而為人認識，一度獲無綫力捧，參演過好多劇集演出，如《平安谷之詭谷傳說》、《踩過界II》、《C9特工》、《智能愛人》、《我家無難事》等，不過演技始終未被認同。原本簡淑兒要跟無綫大隊飛去馬來西亞為《聲夢傳奇2》擔任評判及表演嘉賓，組合出身的她事前更公開話好耐冇唱歌，出發前會練歌，又話有當地同事知她將到馬來西亞，準備帶她四圍去「食好西」，結果簡淑兒冇得隨大隊出發，仲突然宣布離巢無綫，真係耐人尋味。
未完待續,請點擊「下一頁」繼續閱讀
