「翻版姜濤」挨出頭丘梓謙勇斗千禧五虎爭飛躍

童星出身的TVB藝人丘梓謙2014年重返幕前加入TVB正式出道，等足7年終於挨出頭，今年表現出眾有共8套劇集出街，先憑處境劇《愛‧回家之開心速遞》「蔥頭」一角嶄露頭角，最近更在台慶劇《換命真相》飾演鮮肉Oppa「劉星」，肉搏宅男女神劉佩玥而人氣急升。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他今年更首度入圍《萬千星輝頒獎典禮》「飛躍進步男藝員」殊榮，惡鬥「千禧五虎」羅天宇、丁子朗及余德丞。

他坦言《換》劇是演藝生涯的一大突破，付出多個「第一次」，滿足了他所有願望：「有床戲、有錫戲、有喊戲，全部都系我嘅第一次。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

但亦謙稱年資尚淺，未敢爭獎：「真系從來都冇諗過，自己資歷仲好淺，都系一步一步嚟，順其自然，有冇獎我都系咁鍾意做戲。」

講到首獻螢幕初吻便能咀得宅男女神劉佩玥，他笑言拍攝時「硬曬呔」，幸得對方經驗豐富教路。

而在戲中經常除衫騷肌的他，表示一收到劇本已立即操肌，苦練數月略有成果，但就謙稱身材遠不及同劇的爆肌男朱敏瀚及譚俊彥，慶幸沒有同場除衫戲份。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

劇中大談「姊弟戀」成功出位，戲外他同樣與大6年的「姐姐」麥皓兒拍拖，他坦言與女友毫無代溝：「戲入面我好Cool，要食得住姐姐，但現實就會同女朋友互嗲，大家都有小朋友嘅一面，唔講都唔記得我哋系『姊弟戀』。」

他續指有與女友一同欣賞其「處男」吻戲，對方未有呷醋反而抱怨他真人不夠「Oppa」：「佢話點解我真人完全唔系咁！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而講到今年另一個角色「蔥頭」同樣話題十足，他就坦言雖角色原意並無影射姜濤，但播出後的確有受外間抨擊所影響，不過就因此成長不少，並會從中接受可取的意見，不斷調節自己的演繹。