英語版《愛．回家》爆多角戀　謝嘉怡同簡淑兒爭仔

3人同屬靚人一族，亦曾長年於外國生活，可謂同聲同氣。兩女先後參演《愛》劇，簡淑兒已有豐富演戲經驗，謝嘉怡雖然是演戲初哥，但近日已於《愛》劇熱身，獲贊表現可愛，而大力亦小試牛刀參演《雙生陌生人》，如今齊齊踩過界轉Tone講英語演戲，可謂新鮮感十足。

簡淑兒昨日（5日）受訪時直言期待與男友合作，但不想演情侶：「我睇美國處境劇大，不嬲都好鍾意，有機會試嚇都開心。同男友合作大家都唔抗拒，不過演情侶就會似真人騷，有啲奇怪，演唔同角色好啲，例如敵對，好似好玩啲。同埋講英文佢會舒服啲，平時佢對劇本最大挑戰系中文，對住啲四字詞語會問我有冇其他字代替。我就中文、英文都冇咩所謂。」

該劇還有胡蓓蔚、黃碧蓮、「東涌羅浩楷」利愛安及黃子雄等演出。