《青春本我》首播！姚焯菲獲粉絲出動應援車 冼靖峰玩Puppy Love

問到Gigi會否想有應援車？她說：「睇粉絲自己，佢哋想搞就搞，唔想搞就唔好搞。」

她又勸告粉絲不要亂花錢，要好好儲錢，Chantel笑言如果自己是粉絲，就一定懶得製作應援車。

拍劇嗌過癮冼靖峰玩Puppy Love冇身體接觸

《聲夢傳奇》學員張馳豪（Aska）與冼靖峰（Archie）今晚（5日）現身電視城欣賞劇集《青春本我》首播，Aska稱心情興奮：「但都會緊張自己個樣，睇到自己演出會有啲尷尬。好幸運可以遇到呢個劇組，大家合作好開心，拍劇好好玩。」

Archie表示拍攝時才緊張，現時享受成果，又指拍劇令他獲益良多：「我覺得拍劇好玩之外，對唱歌同表演都有幫助，因為以前唱歌唔會留意鏡頭，對鏡頭唔會咁敏感。」

提到2人有份創作劇中歌曲，他們稱要多謝音樂人Johnny Yim從旁協助及給予意見才能完成，否則只有半製成品。

Aska在劇中飾演校草，但他笑言與潘靜文（Sherman）有感情線：「我哋有感情線，但系好健康嗰種，手都無拖。」

至於Archie則跟蔡愷穎同樣有感情線，但完全沒有身體接觸：「我哋系乜都冇發生過，導演叫我哋唔可以掂到對方，因為系Puppy Love，要表現到好怕丑好純真嗰種感覺。」